|
LET WEL: HIERDIE VORM MOET VIA DIE OBOS- DIREKTEUR AAN HOOFKANTOOR TERUGGESTUUR WORD. In die lig van probleme wat jaarliks ondervind word om geskikte eksamenakkommodasie vir privaatleerders te vind, asook die vervroeging van die sluitingsdatum, word u nou reeds genader met die oog op reëlings vir eksamenakkommodasie vir privaatleerders. Die WKOD strewe daarna om sover moontlik beskikbare dienste en hulp na die gemeenskap te neem en word u vriendelik versoek om die volgende in aanmerking te neem wanneer u die meegaande bylae voltooi. Privaatleerders is soos u bewus is leerders wat om verskeie redes nie hul skoolopleiding kon voltooi nie, nie aan enige skool verbonde is nie en wat - dikwels met groot opoffering - self hul studies onderneem om ‘n positiewe bydrae tot die samelewing te kan lewer. Wanneer hulle registreer vir die Senior Sertifikaat-eksamen, dui privaatleerders ‘n eksamen-sentrum naby hul woon- of werkplek aan. Ander verkies om by hul “ou” skool te skryf. Prinsipale word dus vriendelik versoek om sover moontlik hierdie leerders te ondersteun deur hulle toe te laat om by die skool van hulle keuse te skryf sodat dit slegs nodig sal wees om in werklik uitsonderlike gevalle hulle in gekombineerde sentrums te plaas. Gekombineerde sentrums veroorsaak in baie gevalle dat kandidate lang afstande moet reis om eksamen te kan skryf. Dikwels is hulle werkloos en kan eenvoudig nie reiskoste bekostig nie. Hulle vind dit ook onbegryplik dat hulle kilometers ver moet reis om eksamen te skryf terwyl hulle binne bereik van ‘n skool woon. (LET WEL: DIT IS NOODSAAKLIK DAT DIE VORM TERUG GESTUUR MOET WORD ONGEAG OF U OOR AKKOMMODASIE BESKIK AL DAN NIE.) Na voltooiing van die aangehegte bylae deur prinsipale moet dit aan die onderskeie OBOS- kantore gestuur word. OBOS- Direkteure en Kringbestuurders moet asseblief daarvan kennis neem en daarna toesien dat hierdie vorm die Direktoraat: Eksamens bereik teen nie later nie as 29 April 2005 per faks by nommer 021 4615637, of per E-pos aan Samuel Adams (sadams@pgwc.gov.za) of by die volgende adres in te dien: Mnr S.Adams, Kamer 515, Grand Central Towers, Laer Parlementstraat, Kaapstad. GETEKEN: A.P. CLAUSEN |