Met die oog op eksamenvraestelle van 'n verbeterde gehalte en toenemende gereedheid vir die implementering van Uitkomsgebaseerde Onderwys in die Verdere Onderwys-en-opleidingsband (VOO-band), word aansoeke ingewag deur die Nasionale Departement van Onderwys vir poste van eksaminatore en moderatore wat nasionaal geëksamineer word.
Aansoeke word ingewag van vakdeskundiges/opvoeders wat beskik oor minstens 'n erkende 3-jaar-na-matriekkwalifikasie wat die betrokke vak op derdejaarsvlak, aangevul deur ten minste tweejaaronderwysondervinding op Senior Sertifikaatvlak binne die afgelope vyf jaar, insluit. Uitgebreide kennis en ervaring van onderrigprogramme en assesseringspraktyke in VOO-skole, asook ondervinding in die opstel en nasien van Senior Sertifikaat-eksamenvraestelle, asook vertroud met die Nasionale Kurrikulum Verklaring sal 'n bykomende voordeel wees. Eksaminatore en moderatore wat op die nasionale panele dien, moet bekend wees met die huidige ontwikkelings en prosesse wat uitloop op die verwerwing van die nuwe Verdere Onderwys-en-opleidingsertifikaat vir skole in 2006.
Daar sal van suksesvolle aansoekers verwag word om van tyd tot tyd na Pretoria te reis om hulle take te verrig. Hulle sal ook 'n kontrak vir twee jaar en 'n vertroulikheidsooreenkoms moet onderteken.
Dui asseblief aan vir watter vak u aansoek doen en ook of u aansoek doen om 'n pos van eksaminator of moderator.
Sluitingsdatum: 23 November 2005
Navrae: Mnr. S.N.P. Sishi
Telefoon: 012 312 5717
Die Departement van Onderwys is daartoe verbind om gelyke geleenthede te voorsien en regstellende aksie by indiensneming toe te pas. Aansoeke moet ingedien word op 'n Z83-vorm, verkrygbaar van enige Staatsdepartement, en moet vergesel wees van 'n omvattende CV en gewaarmerkte afskrifte van kwalifikasies.
Aansoeke, met vermelding van die betrokke verwysingsnommer, moet gestuur word aan: Die Direkteur-Generaal, Departement van Onderwys, Privaatsak X110, Pretoria, 0001, en gemerk word Vir aandag: Hoof Direktoraat: Opvoedkundige Meting, Assessering en Publieke Eksamens.
GETEKEN: A.P. CLAUSEN
HOOF: ONDERWYS
DATUM: 2005:11:17
|