| 1. |
Ten einde prinsipale in staat te stel om die nodige reëlings te tref om die uitslae af te haal en te kontroleer, word die volgende teikendatums en verwante inligting verskaf. Let asseblief daarop dat hierdie datums en tye slegs tentatief is en dat enige veranderinge in die reëlings in die pers sal verskyn. OBOS’e sal ten volle op die hoogte gehou word.
|
| 1.1 |
Donderdag, 29 Desember 2005 om 08:00:
Prinsipale kan uitslae by OBOS’e afhaal.
LW: Nie voor 08:00 nie
|
| 1.2 |
Prinsipale kry 4 uur tyd om uitslae vir enige ooglopende foute te kontroleer.
|
| 1.3 |
Donderdag, 29 Desember 2005 om 12:00:
Uitslae kan by die onderskeie skole aan kandidate bekendgemaak word.
LW: GEEN uitslae mag aan kandidate bekendgemaak word en GEEN inligting in hierdie verband mag aan die pers verstrek word voor 12:00 nie.
|
| 1.4 |
Donderdag, 29 Desember 2005 om 09:00:
Bekendmaking van uitslae deur Provinsiale Minister
|
| 1.5 |
Donderdag, 29 Desember 2005 om 12:00:
Bekendmaking van nasionale uitslae deur Nasionale Minister
|
| 1.6 |
Vrydag, 30 Desember 2005 om 06:00:
Uitslae in die pers en op die WKOD-webwerf
|
| 1.7 |
Donderdag, 5 Januarie 2006 na 12:00:
Onafgehaalde uitslae word deur OBOS’e aan die skole gepos.
|
| 2. |
Aangesien dit gebiedend noodsaaklik is dat alle partye streng by hierdie reëlings moet hou, is u samewerking in hierdie verband onontbeerlik.
|
| 3. |
Die Senior Sertifikaat-eksamenuitslae sal ook elektronies beskikbaar wees op die volgende webwerf: http://wced.wcape.gov.za. Kandidate sal hulle eksamennommers en hulle identiteitsnommers moet invoer.
|
| 4. |
Die Departement moet ook ingelig word van skole se reëlings rakende die afhaal van die uitslae. Prinsipale word dus versoek om die bygaande vorm in te vul en teen nie later nie as 28 Oktober 2005 aan die Direkteur van hulle OBOS te stuur. Hierdie inligting sal ook gebruik word om skoolhoofde te skakel indien hulle na die toekenningseremonie uitgenooi is.
|
| 5. |
Die volgende inligting sal aan die media beskikbaar gestel word:
Name en eksamennommers van kandidate wat geslaag het, per skool per distrik. Die volgende simbole word gebruik: E - Endossement; M - Endossement (Meriete); D - Endossement (Onderskeiding); S - Senior Sertifikaat; N - Senior Sertifikaat (Meriete); P - Senior Sertifikaat (Onderskeiding). Die vakke waarin kandidate onderskeidings behaal het (A-simbole), sal ook aangedui word. Die name van kandidate wat in die eksamen uitgeblink het deur met Onderskeiding (groottotaal van 1680 of meer) of Meriete (groottotaal tussen 1260 and 1679) te slaag Die naam van elke skool se topkandidaat Die name van die top drie kandidate (met ’n minimum van 80%) in elke Hoër- en Standaardgraadvak
|
| 6. |
Aangesien dit van die uiterste belang is dat ondersteuning en berading gebied moet word aan kandidate wat nie die eksamen geslaag het nie, moet alle kandidate voor die finale eksamen ingelig word dat sodanige dienste beskikbaar is. Berading kan by die skool gedoen word of, indien van toepassing, by die betrokke OBOS waar personeel beskikbaar sal wees. As ‘n prinsipaal ‘n kandidaat na ‘n OBOS verwys, moet hy/sy die kandidaat voorsien van die telefoonnommer en die adres van die OBOS en die kandidaat se besonderhede aan die OBOS verstrek. Prinsipale moet daarvan bewus wees dat persone wat die grootste behoefte aan berading het, dit dikwels nie versoek nie, en hulle moet bedag wees op die teleurstelling van kandidate wie se verwagtinge nie gerealiseer het nie.
|
GETEKEN: B.K. SCHREUDER
HOOF: ONDERWYS
DATUM: 2005:10:19
|