| 1. |
Ingesluit by hierdie minuut is die gerekenariseerde puntestate waarop die graad 9-punte wat in elke leerarea behaal is, ingevul moet word. Prinsipale word versoek om hierdie puntestate in te vul ten einde die Wes-Kaap Onderwysdepartement (WKOD) in staat te stel om data betyds na die nasionale Departement van Onderwys aan te stuur.
|
| 2. |
Die puntestaat, wat per leerarea ingevul moet word, maak voorsiening vir die punte van albei komponente van die leerarea. Die punt vir Deurlopende Assessering (DASS) uit 75 en die punt vir die Gemeenskaplike Take vir Assessering (GTA) uit 25 moet op dieselfde blad vir elke leerder per leerarea aangeteken word. Let ook daarop dat die puntestate twee kante het.
|
| 3. |
Prinsipale word versoek om seker te maak dat al die leerders geregistreer is en dat die besonderhede korrek is.
|
| 3.1 |
Indien ‘n leerder se naam nie op die puntestaat verskyn nie, moet die naam nie op die puntestaat aangebring word nie, aangesien dit nie geskandeer sal word nie. Die skool moet die leerder se punt verwerk en die leerder se besonderhede en punte op ‘n aparte bladsy inhandig.
|
| 3.2 |
Indien enige leerder se besonderhede nie korrek is nie, moet dit op ‘n aparte bladsy aangedui word. Dit moet nie op die puntestaat verander word nie.
|
| 4. |
Dit is van die uiterste belang is dat die punte wat vir die DASS vir elke leerder ingevul word die gemodereerde punt moet wees. Die take wat die GTA’s uitmaak is alreeds gestandaardiseer en gemodereer. In die nasien hiervan moet onderwysers baie streng hou by die nasienmemorandum.
|
| 5. |
Let asseblief daarop dat die invul van een punt vereis dat twee ruimtes op die puntestaat ingekleur moet word. Indien ‘n leerder byvoorbeeld ‘n punt van 47 vir die DASS-komponent van die leerarea behaal, sal dit nodig wees om beide die blokkie onder die 40 op die boonste reël van die DASS-blok en die blokkie onder die 7 op die onderste reël in te kleur. Indien ‘n leerder ‘n punt van minder as 10 vir enige van die twee komponente verwerf, sal dit nodig wees om die blokkie onder die 0 op die boonste reël en die blokkie onder die betrokke punt op die onderste reël in te kleur.
|
| 6. |
Die volgende probleme is ondervind toe die punte vir 2002 en 2003 ingeskandeer is:
|
| 6.1 |
Meer as een blokkie in dieselfde ry is soms ingekleur.
|
| 6.2 |
Onderwysers het punte deurgehaal, name en gegewens verander, die puntestate genommer en soms die skool se stempel bo-oor die stafiekode aangebring.
|
| 6.3 |
In plaas daarvan dat die blokkies ingekleur is, het onderwysers soms dun en baie klein strepies in die blokkie gemaak wat nie deur die skandeerder raakgelees is nie.
|
| 6.4 |
In gevalle waar leerders of afwesig (A), onthef (D) of na 'n ander sentrum oorgeplaas (T) is, is hierdie weglatings nie op die puntestaat aangedui nie.
|
| 6.5 |
Punte vir die GTA en die DASS is bymekaargetel en die totaal is op die puntestaat ingevul. Dit het veroorsaak dat die puntestaat verwerp is aangesien die maksimum oorskry is.
|
| 7. |
Die volgende instruksies moet nagekom word wanneer die vorms hanteer word:
|
| 7.1 |
Puntestate moet nie gevou word nie.
|
| 7.2 |
Puntestate moet nie gekram of deur middel van skuifspelde geheg word nie.
|
| 7.3 |
Puntestate moet nie in plastiekskutblaaie ("pockets") geplaas word nie.
|
| 7.4 |
Geen ponsgaatjies mag in die puntestate gemaak word nie.
|
| 7.5 |
Geen gom mag op die puntestate gebruik word nie.
|
| 7.6 |
Moenie die puntestate stempel nie
|
| 7.7 |
MOENIE rooi ink gebruik om die punte in te vul nie. Gebruik ‘n swart of blou pen.
|
| 7.8 |
Gebruik slegs ‘n HB-potlood of ‘n potlood met ‘n sagte punt om die blokkies in die punterooster in te kleur.
|
| 7.9 |
Geen fotokopieë of ou puntestate mag gebruik word nie.
|
| 7.10 |
Moenie name van leerders op die puntestate byvoeg nie.
|
| 8. |
Indien daar nie ‘n punt vir ‘n leerder vir ‘n leerarea of ‘n komponent van die leerarea is nie, let op die volgende:
|
| 8.1 |
Die rede waarom die punt weggelaat word, moet aangedui word deur die toepaslike blokkie op die puntestaat in te kleur:
“A” vir ‘n afwesige leerder
“D” vir ‘n leerder wat onthef is
“T” vir ‘n leerder wat oorgeplaas is.
|
| 8.2 |
Indien ‘n leerder afwesig is op grond van siekte, moet 'n geldige mediese sertifikaat voorgelê word, waarop die leerder se DASS-punt in berekening gebring sal word as 'n finale punt.
|
| 9. |
Die voltooide puntestate moet per pos ingedien word nie later nie as Vrydag, 2 Desember 2005 by:
per pos:
Die Hoof: Onderwys
Wes-Kaap Onderwysdepartement
Vir aandag: Mnr L. Samuels
Direktoraat: Eksamens (AOOS)
Privaatsak X9114
Kaapstad
8000
of alternatiewelik via SKYNET koerierdiens 021 531 9191, aan
Vir aandag, mnr. L Samuels
Wes-Kaap Onderwysdepartement
Direktoraat: Eksamens (AOOS)
Kamer 417, 4de verdieping
Laer Parlementstraat
Kaapstad
8001
|
| 10. |
Aangesien hierdie datavasleggingstelsel totaal daarvan afhang, moet die puntestate 100% korrek wees. U samewerking in hierdie verband is noodsaaklik en sal hoog op prys gestel word.
|
GETEKEN: A.P. CLAUSEN
HOOF: ONDERWYS
DATUM: 2005:10:03
|