| 1. |
Die finale skedule van inskrywings word hierby ingesluit vir rekord doeleindes. Let asseblief daarop dat die eksamennommers wat op die rekenaardrukstuk voorkom die finale eksamennommers is wat aan die leerders toegeken is:
|
| 1.1 |
Kontroleer asseblief dat alle korreksies aangebring is. Indien tikfoute op die skedule voorkom, moet u die Direktoraat Eksamens onverwyld skriftelik daarvan in kennis stel.
LW: Die Departement sal geen nuwe vak en/of graadveranderings aanbring nie. (Verwys asseblief na Eksamenminuut 0031/2004 gedateer 27 Julie 2004, asook Omsendbrief 0223/2003)
|
| 1.2 |
Neem asseblief kennis dat die prosedure vir die indiening van Junie en September punte op die finale skedule van inskrywings verander het en moet die skedules nie soos in die verlede aan die Departement terugversend word nie. Die Junie en September punte moet egter geredelik beskikbaar wees wanneer die Departement die betrokke punte benodig, bv. tydens die afhandeling van onreëlmatighede, ens. Om hierdie rede is dit nodig dat prinsipale gedurende die Desembervakansie telefonies bereikbaar moet wees, of dat alternatiewe reëlings met ‘n personeellid getref sal word. U word versoek om ‘n afskrif van u eie punteskedule vir Junie en September na die Assessering koördineerder by die OBOS te stuur vir die monitering van leerders se vordering.
|
| 2. |
Voltooiing van Bylae A
Dui asseblief skryftekens op leerders se name en vanne aan op die ingeslote lys en stuur dit terug aan die Departement voor of op 19 September 2005, vir aandag Mnr F. Jacobs.
|
| 3. |
‘n Lys van privaatleerders wat die eksamen by u skool sal aflê, sal vir kennisname aan u voorsien word,waar van toepassing. ‘n Afskrif van die lys moet aan die hoofopsiener van u skool voorsien word. |
GETEKEN: A.P. CLAUSEN
HOOF: ONDERWYS
DATUM: 2005:09:02
|