| 1. |
Hierdie eksamenminuut moet saamgelees word met eksamenminuut 50/2004 vanaf paragraaf 3.3.2 tot paragraaf 3.3.4.
|
| 2. |
Eksamenvraestelle en puntestate word weereens vanjaar in drie besendings deur SKYNET KOERIERS by eksamensentrums afgelewer. Die vraestelle en puntestate vir die eerste en tweede week van die eksamen (10 Oktober tot 26 Oktober 2005) ten opsigte van die eerste besending, sal van 3 Oktober tot 5 Oktober 2005 by skole in die landelike OBOS’e sowel as die stedelike OBOS’e afgelewer word. Die vraestelle en puntestate vir die derde en vierde week van die eksamen (27 Oktober tot 9 November 2005) ten opsigte van die tweede besending, sal op 19 Oktober tot 21 Oktober 2005 by skole afgelewer word. Die vraestelle en puntestate vir die laaste twee weke van die eksamen (10 November tot 23 November 2005) ten opsigte van die derde besending, sal op 2 November tot 4 November 2005 by skole afgelewer word.
|
| 3. |
By die aflewering van die eksamenvraestelle en puntestate, moet skoolhoofde asseblief baie noukeurig die aantal kartondose tel wat afgelewer word en ontvangs op die afleweringsnota teken. Die kartondose mag slegs in die teenwoordigheid van die Kringbestuurder, Prinsipaal en Hoofopsiener vir die eerste keer oopgemaak word. Enige tekorte aan vraestelle moet onmiddellik deur die Kringbestuurder onder die aandag van mnr. C.A. Berry by bogenoemde nommer gerapporteer word. Die tekorte van vraestelle moet daarna so spoedig moontlik met 'n faks opgevolg word.
|
| 4. |
Ten einde die veilige bewaring van vraestelle te verseker, word prinsipale/kringbestuurders versoek om die ingeslote kontrolelys by elke besending in die teenwoordigheid van 'n departementele beampte/hoofopsiener te voltooi en voor die aanvang van die eksamen aan die Departement terug te faks.
|
| 5. |
Dit is die prinsipaal se verantwoordelikheid om toe te sien dat alle vraestelle, puntestate, antwoordboeke en skryfbehoeftes vir veilige bewaring in 'n kluis of brandkas toegesluit word om die moontlikheid van enige onreëlmatigheid te voorkom. Die Graad 12 vraestelle moet apart van die Abet vlak 4 vraestelle in die kluis gebêre word.
|
| 6. |
Die prinsipaal moet persoonlik die sleutels van die kluis bewaar, ook in gevalle waar 'n skool se vraestelle, puntestate, antwoordboeke en skryfbehoeftes by 'n ander skool of instansie geberg word. Die kringbestuurder moet hom/haarself daarvan vergewis dat hierdie opdrag nougeset uitgevoer word. Eksamenvraestelle mag onder geen omstandighede voor of tydens die eksamen die skoolgebou verlaat nie. Daar moet reëlings tussen die skoolhoof en die hoofopsiener getref word oor die oopsluit van die kluis en ander sekuriteitsmaatreëls wat met eksamenvraestelle verband hou.
|
| 7. |
Die noodsaaklikheid van die veilige bewaring van vraestelle, puntestate, antwoordboeke en skryfbehoeftes kan nie oorbeklemtoon word nie en dit is van die uiterste belang dat alle moontlike voorsorgmaatreëls getref word vir die beveiliging daarvan.
|
| 8. |
Indien 'n sentrum onttrek, moet die eksamenafdeling so gou as moontlik ingelig word. Derhalwe word die kringbestuurder/prinsipaal verantwoordelik gehou vir die veilige bewaring van die vraestelle totdat vraestelle deur 'n beampte van die eksamenafdeling afgehaal word.
|
GETEKEN: A.P. CLAUSEN
HOOF: ONDERWYS
DATUM: 2005:09:01
|