1.VOLTOOIING VAN PUNTESTATEDie gerekenariseerde puntestate vir alle deurlopende assessering buiten:
Kunsvakke, Rekenaarstudie, Rekenaartik, Dans, Elektrisiënswerk, Elektronika, Frans HG, Duits Eerste Taal HG, Duits Derde Taal HG/SG, Hebreeus HG, Hotelhouding en Spyseniering SG, Gasvryheidsstudie SG, Italiaans HG, Latyn HG, Portugees HG, Spaans HG, Technika (Elektries) HG/SG, Spanish HG, Technika (Electrical) HG/ SG word hierby ingesluit.
Puntestate ten opsigte van voormelde vakke word direk aan Kurrikulumadviseurs voorsien.
Die res van die puntestate moet beskikbaar gestel word aan die Kurrikulumadviseurs op die dag van moderering.
Die gemodereerde punte moet deur die kurrikulumadviseur op die Departementele puntestate oorgedra word.
2.TOEKENNING VAN DASS-PUNTE‘n Punt moet aan elke leerder wie se eksamennommer op die puntestaat verskyn, toegeken word. Dit is ook van toepassing op leerders wat:
  • Geskors of tydelik uit die skool geskors is;

  • Aansoek gedoen het om sentrumverandering;

  • Afwesig was vir ‘n verlengde periode gedurende die jaar;

  • Afwesig was op die dag van moderering

3.LEERDERS WAT AFWESIG IS EN DIÉ MET GEEN DASS-PUNTE Onder geen omstandighede mag ‘n leerder se punte weggelaat word nie.
Waar ‘n leerder een of meer items vir DASS aangebied het , maar nie een of meer van die vereiste items ingehandig het nie moet ‘n “0” vir elk van die betrokke komponente, nie ingehandig nie, aan die leerder toegeken word. Die maksimum totaal word nie aangepas nie – hy/sy word dus gepenaliseer omdat hy/sy nie die vereiste werk voltooi het nie.
Aan leerders wat geen DASS take gedurende die jaar voltooi het nie, moet “999” op die puntestaat toegeken word.
Waar ‘n leerder met ‘n mediese sertifikaat vir enige komponent afwesig was, moet sy/haar maksimum DASS-punt dienooreenkomstig verander word en moet die leerder dan ‘n punt uit die verminderde groottotaal ontvang. Hierdie punt moet dan na die vereiste maksimumpunt omgeskakel word.
Die enigste gevalle waar “999” op die DASS puntestate ingevul mag word, is waar geen DASS komponente ingehandig is nie .
4.VAK- / GRAAD- VERANDERINGIn gevalle waar verandering van vak/graad deur die Departement goedgekeur is, moet die verandering (vaknaam en graad) op die puntestaat teenoor die leerder se naam en eksamennommer aangedui word. Voeg “888” in die puntekolom en die leerder se punt in die kolom naas die puntekolom. (SIEN VOORBEELD AANGEHEG)
5.LEERDERS MET SPRAAK-OF GEHOORSTOORNISLeerders met ‘n spraak- of gehoorstoornis moet in die plek van ‘n mondelingpunt ‘n pro-rata punt gebaseer op die geskrewe punte vir die Junie- en September 2005 -eksamens, ontvang.
6.PRINSIPALE SE VERANTWOORDELIK-HEID BY VOLTOOIING VAN PUNTESTATEPrinsipale sal aanspreeklik gehou word om te verseker dat alle leerders in hul skool ‘n DASS-punt ontvang het. Die voorlegging van DASS-punte nadat moderering afgehandel is sal nie deur die Departement aanvaar word nie.
 KEERDATUMAssesseringskoördineerders word versoek om toe te sien dat die voltooide puntestate die Direktoraat Eksamens teen
4 November 2005 bereik.


GETEKEN: A.P. CLAUSEN
HOOF: ONDERWYS
DATUM: 2005:08:31


Die dokumente, waarna verwys word in die Minuut, is aan skole gestuur.