| 1. |
Die DASS-portefeulje vir LATYN HG 2005 moet die Departement nie later nie as 23 September 2005 bereik. Dit moet die volgende bewysstukke bevat, vergesel van ‘n puntelys (Addendum A) waarop die punte aangepas is soos aangedui:
Ten minste die Junie-en September-eksamenvraestelle, plus die leerder se antwoorde van:
Vraestel I (Voorgeskrewe literatuur: taal, vertaling,
begrip, skandering) 50
Vraestel II (Onvoorbereide vertaling) 25
Twee werkstukke 25
Totaal 100
Verdere onvoorbereide vertalings mag ingesluit word om die leerder se deurlopende vordering in hierdie oefening aan te toon.
|
| 2. |
Die Departement sal die gerekenariseerde puntestaat vir die Latyn HG (DASS-portefeulje) direk aan die betrokke moderator stuur.
|
| 3. |
Vir die klassieke kultuur word u aandag gevestig op die FINALE LYS VAN VOORGESKREWE WERK VIR LATYN HG: KLASSIEKE KULTUUR: GRAAD 11 (2004) EN GRAAD 12 (2005), asook RIGLYNE: LATYN HG 2000: WERKSTUKKE.
|
| 4. |
Die werkstukke, in chronologiese volgorde gerangskik en vergesel van die voltooide puntestaat (afskrif aangeheg, Addendum B), moet by die portefeulje ingesluit word. Skole mag bykomende afskrifte van die punteblad maak.
|
| 5. |
Twee werkstukke moet voltooi word, een uit die Voorgeskrewe Literatuur Afdeling en een uit die Algemene Agtergrond Afdeling. Elke werkstuk tel 50 punte, en die totaal (100) word verwerk na 25 punte. Slegs een werkstuk mag oor ‘n spesifieke tema gedoen word. ‘n Amptelike puntestaat (afskrif aangeheg, Addendum C) moet elke werkstuk vergesel. Verskaf ook ‘n alfabetiese lys van leerders met die titels van elke leerder se werkstukke chronologies gerangskik.
|
| 6. |
Portefeuljes sal op skriftelike versoek van skoolhoofde, na die bekendmaking van die uitslae, aan skole teruggestuur word.
|
GETEKEN: A.P. CLAUSEN
HOOF: ONDERWYS
DATUM: 2005:08:18
|