| 1. |
Die WKOD sal in Oktober 2005 die Vlak 4-assessering aanbied ooreenkomstig die toepaslike reëls, kriteria en standaarde. Die Direktoraat: Eksamens sal volle verantwoordelikheid aanvaar vir die organisasie en administrasie van die assessering en die Direktoraat: Kurrikulumontwikkeling sal die nodige kurrikulum kundigheid voorsien. |
| 2. |
Alle geregistreerde WKOD-Gemeenskapsleersentrums (GLS'e) word versoek om hulle leerders in te skryf vir assessering in die leerareas van hulle keuse, maar slegs indien hulle al die eenheidstandaarde in die betrokke leerareas voltooi het. Waar moontlik sal aan al die leerareabehoeftes van die leerders voldoen word. Die Direktoraat: Eksamens behou egter die reg voor om geen assessering aan te bied in ‘n leerarea waar daar te min inskrywings is nie. |
| 3. |
Die eksamen komponent van die assessering tel 50% en die ander 50% is afkomstig van ‘n gemodereerde Leerplekgebaseerde assessering (LGA) portefeulje. |
| 4. |
Die rooster vir die Oktober 2005-assessering sal eersdaags aan u voorsien word. |
| 5. |
Sentrumbestuurders word versoek om een van die ingeslote inskrywingsvorms in te vul ten opsigte van elke leerder aan hulle sentrum wat verlang om vir die assessering in te skryf. Die inskrywingsvorm van ‘n leerder wat as gevolg van siekte of ander onvermydelike omstandighede nie beskikbaar is nie moet onderteken word deur die sentrumbestuurder en teenoor sy of haar handtekening aandui dat die leerder afwesig was. |
| 6. |
Inskrywingsgroep: Gebruik die toepaslike kode om aan te dui of die leerder van ‘n Departementele (“Publieke”) of 'n onafhanklike (“Industrieel”) volwassene-leersentrum afkomstig is. |
| 7. |
Let asseblief daarop dat geen leerareaveranderings toegelaat sal word nadat die inskrywings gefinaliseer is nie. Dit is dus van die allergrootste belang dat inskrywingsvorms noukeurig en met die grootste sorg voltooi moet word. |
| 8. |
Alle voltooide inskrywingsvorms in streng alfabetiese volgorde en vergesel van Bylae A wat die sentrum besonderhede bevat moet die Direktoraat: Eksamens bereik teen nie later nie as Woensdag, 17 Augustus 2005. Geen laat inskrywings sal aanvaar word nie. |
GETEKEN: AP CLAUSEN
HOOF: ONDERWYS
DATUM: 2005:07:21
|