1. Hierdie minuut moet gelees word saam met Omsendbrief 0027/2004, wat handel oor standaardisering, appèllering en sertifisering van BOOV vlak 4.
2. Nasionale beleid, soos uiteengesit in die beleidsdokument, National Policy on the Conduct of ABET Level 4 Examinations, wat in 2002 aan openbare leersentrums vir volwassenes voorsien is, maak voorsiening vir die toekenning van ‘n AOO-sertifikaat aan ‘n kandidaat wat kwalifiseer vir ‘n gekombineerde sertifikaat.
3. Soos uiteengesit in par. 4.5 van Omsendbrief 0027/2004, moet sentrumbestuurders rekords bewaar van alle leerders wat BOOV–vlakeksamens sedert November 2001 geskryf het en aansoek doen by die Direktoraat Eksamens om ‘n gekombineerde AOO-sertifikaat wanneer die kandidaat voldoen aan die vereistes vir die kwalifikasie.
4. In die toekoms moet alle aansoeke om die uitreiking van ‘n gekombineerde AOO-sertifikaat aan die Departement voorgelê word op die aangehegte aansoekvorm (Bylae A), saam met die voorgeskrewe aansoekgeld van R18.00.
5. Die inhoud van hierdie minuut moet onder die aandag gebring word van alle kandidate wat leerareas vir ‘n BOOV AOO-sertifikaat aanbied of oorweeg om dit te doen.


GETEKEN: A.P. CLAUSEN
HOOF: ONDERWYS
DATUM: 2005:06:20

Bylae A: Aansoekvorm  (grootte: 37 KB)