1. Hierdie Eksamenminuut moet saamgelees word met Eksamenminuut 71/2003, wat handel oor die kombinering van N3- en Senior Sertifikaat-vakke.
2. Nasionale beleid, soos vervat in die beleidsdokument, A Résumé of Instructional Programmes in Schools, Verslag 550 (97/06), maak voorsiening vir die toekenning van `n Senior Sertifikaat aan `n kandidaat wat vakke aanbied bestaande uit `n kombinasie van Senior Sertifikaat- en N3-vakke.
3. Die uitreik van sertifikate word egter deur UMALUSI gereguleer en hierdie liggaam het die volgende beleid aangaande die uitreik van hierdie sertifikate geïmplementeer:
(a) In gevalle waar ‘n voltydse kandidaat vir ‘n senior sertifikaat gekwalifiseer het en versoek dat ‘n kombinasie van die N3-vakke wat tydens ‘n vorige eksamensessie afgelê is as sewende of agste vakke erken moet word, moet ‘n vervangende sertifikaat aangevra word. Let daarop dat die N3-vakke nie meer as 12 maande voor die senior sertifikaat-vakke afgelê moet wees nie. Hierdie kombinasie kan slegs versoek word nadat beide eksamens gesertifiseer is (die senior sertifikaat en die vaksertifikaat vir die N3 moet uitgereik wees).
(b) Indien ‘n kandidaat nie vir ‘n senior sertifikaat kwalifiseer nie maar N3-krediete het, kan hierdie uitslae gekombineer word vir ‘n senior sertifikaat, met dien verstande dat vaksertifikate reeds vir beide eksamens uitgereik is.
(c) Kombinasies waar ‘n voltydse kandidaat vir ‘n senior sertifikaat kwalifiseer en die N3-vakkrediet verwerf nadat die senior sertifikaat uitgereik is, sal nie toegelaat word nie. Die N3-vakkrediet sal op ‘n gewone vaksertifikaat aangedui word.
4. Let asseblief daarop dat aansoeke om die uitreik van ‘n kombinasiesertifikaat by die Departement op die aangehegte aansoekvorm (Bylae A) ingedien moet word, tesame met die voorgeskrewe geld (R18.00) vir die kombinering van die uitslae.
5. Die inhoud van hierdie Eksamenminuut moet onder die aandag gebring word van alle kandidate wat `n N3-vak aanbied of wil aanbied.


GETEKEN: A.P. CLAUSEN
HOOF: ONDERWYS
DATUM: 2005:06:14

Bylae A: Aansoekvorm  (grootte: 37 KB)