Die Engelse en Afrikaanse weergawes van die vraestel sal geskei word en sal nie op teenoorstaande bladsye verskyn nie. Die weergawes in die onderskeie tale sal elk vanaf verskillende kante van die eksamenvraestel begin. (Verwys na die Maart 2005-vraestel vir toeligting.)

Die gewone Departementele eksamenantwoordboeke (groen - Hoërgraad of geel - Standaardgraad) moet nie aan die leerders voorsien word nie. Alle vrae en berekeninge moet in die spesiaal-voorbereide antwoordboek gedoen word. Alle berekeninge vir “gedeeltelike punte” moet gedoen word in die ruimte wat vir hierdie berekeninge voorsien is. Geen punte sal toegeken word vir werk wat gedoen is op die bladsye aangedui as “Slegs berekeninge” nie.

Die gebruik van potlood en vloeibare uitwisser (Tippex) is nie aanvaarbaar in die handel en nywerheid nie. Dit sal gevolglik nie aanvaar word indien leerders met potlood op die finale antwoordbladsye skryf, of vloeibare uitwisser gebruik nie. Alle antwoorde moet in blou of swart ink geskryf word om Rekeningkunde op skoolvlak in ooreenstemming te bring met algemene aanvaarde rekeningkundige praktyk (AARP). Leerders mag egter ‘n potlood gebruik om berekeninge en rofwerk op die teenoorstaande blanko bladsye te doen.

Indien leerders foutiewe inskrywings moet regstel, moet die volgende prosedure gevolg word:

• Haal die foutiewe item deur, deur van ‘n pen en liniaal gebruik te maak.

• Skryf die korrekte antwoord bo of langs die oorspronklike item.

• indien ‘n bedrag reggestel moet word, moet die volle bedrag en nie net ‘n gedeelte verander nie. Verwys na die onderstaande voorbeeld.

360 moet 361 wees

361 Stel as volg reg: 360 1 en nie soos volg nie: 36 0

• die gebruik van korrigeerlak

• weglaat van datums

• gebruik van onaanvaarbare afkortings

• oormekaar skryf van syfers

• beginselfoute (inskrywings wat nie volgens rekeningkundige beginsels korrek is nie)

Kandidaat A sal 2 punte ontvang omdat die kandidaat sy/haar berekening getoon het, alhoewel die antwoord verkeerd is.

Kandidaat B sal geen punte ontvang nie, alhoewel die antwoord dieselfde as kandidaat A s’n is. Dit is omdat kandidaat B nie sy/ haar berekening getoon het nie.

Waar alternatiewe formate in die antwoordboekie voorsien word, moet kandidate slegs EEN daarvan voltooi. Indien kandidate albei voltooi, sal slegs die eerste antwoord gemerk word (verwys na Omsendbrief 033/2002)