Die Graad 9-assessering vir 2005 gaan voort in dieselfde formaat as verlede jaar sover dit Afdeling A betref. Daar sal geen Afdeling B wees nie. Die aandag van prinsipale word pertinent op die volgende gevestig:
| 1.1 |
Ingevolge Staatskoerant nr 25699 van 7 November 2003 [grootte: 515 KB] kan geen leerders van openbare skole, onafhanklike skole, privaatskole en alle ander inrigtings wat die WKOD-sillabus volg en wat graad 9 aanbied, bevorder word tensy hierdie inrigtings aan hierdie regulasie voldoen nie. Geen inrigting kan dus van die assesseringsproses kwytgeskeld word nie.
|
| 1.2 |
Die minister van Onderwys, me Naledi Pandor, het 'n afwyking van afdeling 17 van die Raamwerk vir die Assessering en Promosie van leerders in graad 9 (2003) goedgekeur. Dit bring mee dat, vir 2005, die GTA nie 'n Afdeling B vir voltooiing sal hê nie. Daar sal slegs afdeling A-tipe take wees vir voltooiing oor 'n uitgebreide periode – 5 ure elk vir Primêre Tale (TGK), Natuurwetenskappe (NATS) , Wiskundige Geletterdheid, Wiskunde en Wiskundige Wetenskappe (WGWWW), en 4 ure vir elk van die ander leerareas. Daar word van skole verwag om die GTA’s in die vierde kwartaal te voltooi.
|
| 2. |
Bevordering
Soos in 2004 sal skole steeds verantwoordelik wees vir die bevordering en uitreiking van rapportkaarte aan leerders. Die GTA’s (Afdeling A) maak 25 % van die bevorderingspunt van 'n leerder uit en skool- gebaseerde assessering 75% daarvan.
|
| 3. |
Gemeenskaplike take vir assessering
GTA's sal weer vanjaar aan skole voorsien word. Die aflewering van GTA Afdeling A by skole is vir die derde kwartaal beplan. GTA's moet gedurende November voltooi word. Let asseblief daarop dat as gevolg van hierdie verandering, daar geen nasionale rooster beskikbaar sal wees vir die administrasie van die GTA 2005 nie. Derhalwe moet alle skole 'n rooster voltooi waarop presies aangedui word wanneer 'n GTA in elke leerarea afgeneem sal word. GTA's kan gedurende normale lesure afgeneem word. 'n Afskrif van hierdie rooster moet aan die hoofkurrikulumadviseur in u OBOS voorsien word. Die OBOS'e sal die moderering van 'n seleksie van die leerareas en skole onderneem. Alle skole sal deur die OBOS ingelig word oor wat vir moderering beplan word. |
| 4. |
Inskrywingsvorms
Die inskrywingsvorms vir Graad 9-leerders is reeds aan skole voorsien en die keerdatum vir die indiening was 18 Maart 2005. Prinsipale word daaraan herinner dat skole wetlik verplig is om die graad 9-assessering deel te maak van hulle skool se beplanningsprosesse en te hou by die keerdatums.
|
| 5. |
Assesseringsmaatreëls
Die veilige bewaring van assesseringsvraestelle kan nie oorbeklemtoon word nie. Daarom is dit van die grootste belang dat alle voorsorgmaatreëls getref word wanneer vraestelle geberg word. Assesseringsvraestelle wat nog nie geskryf is nie, mag onder geen omstandighede voor of gedurende die assessering uit die skool verwyder, of die inhoud met leerders bespreek word nie. Oortredings soos hierdie kan ernstige probleme vir die skool en die WKOD inhou asook die geloofwaardigheid van sy assesserings laat bevraagteken.
|
| 6. |
Puntestate
Puntestate sal in die loop van die jaar voorsien word. Promosieskedules (Vorderingskedules) vir graad 9-leerders sal aan skole voorsien word en dit moet aan die Direktoraat Eksamens teruggestuur word vir aandag: mnr. L. Samuels, om hom te bereik nie later nie as Vrydag, 2 Desember 2005. Versuim om by hierdie keerdatum te hou, sal in 'n ernstige lig beskou word.
|
U samewerking sal waardeer word.
GETEKEN: A.P. CLAUSEN
HOOF: ONDERWYS
DATUM: 2005:06:03
|