1. Die Senior Sertifikate van suksesvolle kandidate asook die vaksertifikate van onsuksesvolle kandidate wat by u skool of sentrum geregistreer was vir die November 2004 eksamen word hierby ingesluit 1 vir verspreiding aan die betrokke kandidate.
2. Alle kandidate is reeds deur middel van die Inligtingsbrosjure vir Senior Sertifikaat-kandidate 2004, [paragraaf 13,] verwittig dat hul Senior Sertifikate teen einde Mei 2005 uitgereik sal word en beskikbaar sal wees by hul skool van bywoning.
3. Neem asseblief kennis dat kandidate wat vir die Aanvullingseksamen in Maart 2005 geregistreer het se sertifikate nie hierby ingesluit is nie. Dié sertifikate sal op `n later stadium aan prinsipale voorsien word.
4. `n Lys van geskandeerde sertifikate wat vanaf UMALUSI ontvang was, word vir u gerief ingesluit 1.
5. Benewens die bogenoemde is ook ingesluit 1 ‘n lys van kandidate wat by u skool of sentrum geregistreer het vir die November 2004-eksamens, sodat prinsipale kan seker maak watter sertifikate , indien enige, uitstaande is. Prinsipale word versoek om op skrif enige probleme en uitstaande sertifikate in hierdie besending aan hierdie Departement te rapporteer binne 14 dae na die ontvangs daarvan.
6. Prinsipale word ook vriendelik versoek om `n volledige rekord by te hou van die Ontvangserkenning van sertifikate 2 deur die kandidate. Let asseblief daarop dat enige persoon wat vir ontvangs van `n Senior Sertifikaat teken, `n geldige identiteitsdokument moet toon.
7. Alle navrae rakende die Senior Sertifikate vir bogenoemde eksamen kan aan die volgende persone gerig word: 
Mev E du Toit   021 467 2924  esdutoit@pgwc.gov.za
Mev M Pekeur    021 467 2928  mpekeur@pgwc.gov.za
Mnr G Valentine 021 467 2927  gvalenti@pgwc.gov.za
Mnr L  Weber	021 467 2926  lweber@pgwc.gov.za
Mnr D Jacobs    021 467 2930  dejacobs@pgwc.gov.za
Mnr H Davids    021 467 2934  hdavids@pgwc.gov.za
Mnr Z Isaacs    021 467 2932  zisaacs@pgwc.gov.za
Me N Mtatase    021 467 2932  nmtatase@pgwc.gov.za
8. U samewerking in hierdie verband sal hoog op prys gestel word.


GETEKEN: A.P. CLAUSEN
HOOF: ONDERWYS
DATUM: 2005:06:02


1 Die dokumente, waarna verwys word in die minuut, is aan skole gestuur.
2 Ontvangserkenning  (grootte: 32 KB)