| 1. |
Die VBOO VLAK 4 vraestelle sal deur SKYNET KOERIERS op 24 en 25 Mei 2005 by eksamensentrums afgelewer word.
|
| 2. |
By die aflewering van die eksamenvraestelle, moet sentrumbestuurders/prinsipale asseblief baie noukeurig die aantal kartondose tel wat afgelewer word en ontvangs op die afleweringsnota teken. Die kartondose mag slegs in die teenwoordigheid van die kringbestuurder vir die eerste keer oopgemaak word. Enige tekorte aan vraestelle moet onmiddellik deur die Kringbestuurder onder die aandag van mnr. C.A Berry by telefoonnommer (021) 467 2265 gerapporteer word. Die tekorte van vraestelle moet daarna so spoedig moontlik met 'n faks opgevolg word.
|
| 3. |
Ten einde die veilige bewaring van vraestelle te verseker, word sentrumbestuurders/prinsipale versoek om die ingeslote kontrolelys in die teenwoordigheid van 'n departementele beampte/hoofopsiener te voltooi en aan die Departement te faks.
|
| 4. |
Dit is die sentrumbestuurder/prinsipaal se verantwoordelikheid om toe te sien dat alle vraestelle vir veilige bewaring in 'n kluis of brandkas toegesluit word om die moontlikheid van enige onreëlmatigheid te voorkom.
|
| 5. |
Die sentrumbestuurder/prinsipaal moet persoonlik die sleutels van die kluis bewaar, ook in gevalle waar 'n skool se vraestelle en puntestate by 'n ander skool of instansie geberg word. Die kringbestuurder moet hom/haarself daarvan vergewis dat hierdie opdrag nougeset uitgevoer word.
|
| 6. |
Eksamenvraestelle mag onder geen omstandighede voor of tydens die eksamen die skoolgebou verlaat nie. Daar moet reëlings tussen die sentrumbestuurder/prinsipaal en die hoofopsiener getref word oor die oopsluit van die kluis en ander sekuriteitsmaatreëls wat met eksamenvraestelle verband hou.
|
| 6. |
Die noodsaaklikheid van die veilige bewaring van vraestelle kan nie oorbeklemtoon word nie en dit is van die uiterste belang dat alle moontlike voorsorgmaatreëls getref word vir die beveiliging daarvan.
|
GETEKEN: L.C. ARENDSE
HOOF: ONDERWYS
DATUM: 2005:05:23
|