1. Die Wes-Kaap Onderwysdepartement (WKOD) het in Desember 2004 die uitslae ontvang van die taal- en wiskundetoetse wat opgestel is deur die onderwysassesseringsentrum aan die Universiteit van Nieu-Suid-Wallis (University of New South Wales Education Assessment Centre) en in 2004 deur alle graad 8- leerders geskryf is.
2. Elke skool sal in Januarie 2005 ‘n pakket ontvang met besonderhede van die uitslae van die toetse en sertifikate vir elke leerder wat aan die toetse deelgeneem het. Skoolhoofde moet asseblief verwys na die aangehegte bladsy vir ‘n lys van die inhoud van die pakket wat hulle sal ontvang.
3. Skoolhoofde word aangemoedig om die uitslae van die toetse met al die onderwysers sowel as met die skoolbeheerliggaam en belangstellende ouers te deel.
4. Die verslae is ‘n uitstekende hulpmiddel vir die assessering van skole se sterk en swak punte in die onderrig van taal en wiskunde. Ontleding van die uitslae moet dus as riglyn dien vir skoolverbeteringsplanne en die beplanning van werkskedules.
5. Aangesien OBOS-amptenare opgelei is om die uitslae te interpreteer, moet skole met hulle OBOS'e in verbinding tree as hulle hulp in hierdie verband benodig.
6. Soortgelyke toetse sal in 2005 afgeneem word. Die wiskundetoets sal op Donderdag 2 Junie 2005 van 09:00 tot 11:00 en die taaltoets op Woensdag 15 Junie 2005 van 09:00 tot 11:00 geskryf word.
7. Die Direktoraat Eksamens van die WKOD sal registrasie van graad 8-leerders gedurende die eerste kwartaal van 2005 versoek.
8. U samewerking in hierdie belangrike verband sal op prys gestel word.


GETEKEN: C.J. FOURIE
HOOF: ONDERWYS
DATUM: 2005:01:05

Lys van items  (grootte: 10 KB)