1. Die Vakassesseringsriglyndokumente vir alle vakke is gefinaliseer en op die webtuiste van die Onderwysdepartement by http://www.education.gov.za beskikbaar. Die Engelse weergawe is beskikbaar gestel aan alle OBOS’e vir verspreiding onder die skole. Die Nasionale Departement van Onderwys is besig met die vertaling van hierdie dokumente in Afrikaans en dit behoort gereed te wees teen Januarie en Februarie 2006.
2. Die Nasionale Protokol vir Assessering vir Skole in die Algemene en Verdere Onderwys-en- opleidingsband (graad R tot 12) is ook gefinaliseer en aan OBOS’e vir verspreiding onder skole beskikbaar gestel. Dit is ook beskikbaar op die WKOD se kurrikulumwebtuiste by http://curriculum.wcape.school.za . Hierdie dokument, wat spoedig in die regeringskoerant sal verskyn, dien om die rekordhouding en rapportering van assessering in alle skole te reguleer en moet in alle skole geïmplementeer word vanaf Januarie 2006.
3. Benewens bogenoemde dokumente is twee ander belangrike VOO-NKV-beleidsdokumente ook aan die OBOS’e verskaf vir verspreiding. Dit is die Nasionale Senior Sertifikaat : ‘n Kwalifikasie op Vlak 4 van die NKR en die Minimum Toelatingsvereistes vir Hoër Sertifikaat, Diploma- en B.A-programme wat ‘n nasionale Senior Sertifikaat vereis.
4. Die vakassesseringsriglyndokumente, sowel as die Nasionale Protokol oor Assessering sal met onderwysers bemiddel word gedurende die eerste kwartaal van 2006 binne OBOS-distrikkonteks.
5. Die Minimum Vakpakketgids vir elke VOO-NKV-vak soos opgestel en versprei is in 2003, is hersien en bygewerk. Die doel van hierdie dokument is om aan skoolhoofde en onderwysers leiding te verskaf oor watter leer-, onderrig- en fisiese bronne hulle skole nodig het om die onderskeie vakke doeltreffend te implementeer. Die hersiene weergawe is beskikbaar in Engels sowel as Afrikaans op die WKOD se kurrikulumwebtuiste, http://curriculum.wcape.school.za.
6. ‘n Dokument wat geleenthede vir die integrering van IKT in VOO-NKV-vakke ondersoek, is ook opgestel. Hierdie dokument sal vertaal word en sal binnekort beskikbaar wees op die WKOD se kurrikulumwebtuiste by http://curriculum.wcape.school.za. Konstruktiewe terugvoer oor hierdie dokument sal baie welkom wees. U kommentaar kan gestuur word aan mnr T Smit deur middel van ‘n e-pos aan tcessmit@pgwc.gov.za
7. ‘n Riglyndokument vir evaluering en seleksie van geskikte leer- en onderrigonder-steuningsmateriaal is saamgestel en sal binnekort beskikbaar wees op die WKOD se kurrikulumwebtuiste by http://curriculum.wcape.school.za
8. DINALEDI/WWT-strategie. Die doel van hierdie strategie is om deelname en prestasie in Wiskunde Hoërgraad en Natuurwetenskap Hoërgraad te verhoog. Die getal toegewysde Wiskunde- en Natuurwetenskap- (Dinaledi)-skole is uitgebrei van die oorspronklike 10 na 40 skole. ‘n Addisionele 10 WKOD-WWT-fokusskole is gekies.
9. Fokusskole: Die doel van hierdie skole is om talent te ontwikkel. Agt-en-twintig skole is gekies en goedgekeur as fokusskole vir Kuns & Kultuur; Bedryfs-, Handel- en Bestuurstudies en Ingenieurswese en Tegnologie.
10. Geografiese Inligtingstelsels (GIS) : Hierdie sagteware stel die gebruiker in staat om data ruimtelik te visualiseer, te ondersoek, te bevraagteken en te ontleed deur van die tegnologie gebruik te maak. Dit is ‘n verpligte elektroniese komponent in die VOO-HKV se Aardrykskundekurrikulum. Alle skole wat in 2006 Aardrykskunde in graad 10 aanbied, sal GIS-programmatuur ontvang wat in hulle skole geïnstalleer sal word. Aardrykskundeonderwysers sal dan opgelei word in die gebruik van GIS-programmatuur.
11. Skole is in kennis gestel dat hulle vakkeuses vir graad 10 in 2006 óf goedgekeur óf voorwaardelik goedgekeur is. Waar nodig sal OBOS’e die nodige opvolgwerk met skole doen. Daar is nog steeds ‘n aantal skole wat nog nie hulle vakkeuses vir 2006 voorgelê het nie. Die prinsipale van hierdie skole moet hulle vakkeuses onmiddellik aan die Hoofkurrikulumadviseur van hulle OBOS voorlê.
12. Die VOO-NKV sal volgende jaar in graad 10 geïmplementeer word. Onderwysers behoort oor die volgende dokumente te beskik vir die vakke wat hulle onderrig:

  • Vakverklaring

  • Leerprogramriglyne

  • Vakassesseringsriglyne

  • Ontleding van nuwe kennis, vaardighede, metodologie, IT en assessering

  • Vakinligtingoorsig

  • Minimum vakpakketgids

  • Nasionale Protokol vir Assessering vir Skole in die Algemene en Verdere Onderrig-en- opleidingsband (graad R – 12)
13. Onderwysers behoort ook toegang te hê tot en op hoogte te wees met die inhoud en konteks van die Nasionale Senior Sertifikaat: ‘n Kwalifikasie op Vlak 4 van die NKR en die Minimum Toelatingsvereistes vir Hoërgraad, Diploma- en B.A-programme wat ‘n nasionale Senior Sertifikaat vereis.
14. In Kurrikulumontwikkelingminuut 0081/2005 is prinsipale versoek om die name van daardie onderwysers, asook nuwe aanstellings wie vakoriëntering van 9 tot 12 Januarie 2006 benodig, deur te stuur. Terugvoering regverdig nie ‘n provisiaal georganiseerde oriënteringstrategie nie weens kostes daaraan verbonde. Inligting wat ontvang is sal aan die OBOSe deurgegee word om toepaslike slypskole te reël. Hierbenewens behoort hierdie onderwysers almal die volgende fase van die vakgerigte-slypskole wat gedurende die Junie – Julie skoolvakansie in 2006 sal plaasvind, by te woon.
15. Ons wil graag van die geleentheid gebruik maak om alle graad 10 tot 12-onderwysers te bedank vir hulle toewyding en harde werk gedurende 2005 en wens hulle voorspoed toe met die implementering van die VOO-NKV in graad 10 volgende jaar. Ons wil graag die versekering gee dat gepaste ondersteuning deur die OBOS’e verskaf sal word om die suksesvolle implementering van die VOO-NKV in graad 10 in 2006 te bevorder.


GETEKEN: J.P. RAULT-SMITH
HOOF: ONDERWYS
DATUM: 2005:11:29