1. Die assessering van Graad 3-leerders wat in 2004 deur die Wes-Kaap Onderwysdepartement (WKOD) onderneem is, het aangedui dat die syferkundigheidsvlakke van baie leerders verbeter moet word. As gevolg daarvan soek en implementeer die WKOD maniere waarop onderwysers en skole ondersteun en gehelp kan word om syferkundigheidsvlakke te verbeter. Een van die maniere hiervoor is om opleiding in vroeë syferkundigheid te verskaf.
2. Dit is wyd nagevors en word aanvaar dat syferkundigheidsontwikkeling sy wortels in die voor-syferkundigheidservaringe van vroeë kinderjare het, en dit is dus belangrik dat hierdie vroeë syferkundigheidservaringe behoorlike aandag geniet.
3. Die WKOD bied ‘n intensiewe 3-daagse kursus aan in vroeë syferkundigheid vir graad R-onderwysers om bewustheid en begrip van die belangrikheid van ‘n deeglike vroeë syferkundigheidsgrondslag vir latere sukses in wiskunde te bevorder.
4. Die kursus beoog om graad R-onderwysers se begrip en vermoë te ontwikkel om gepaste voor-syferkundigheidsvaardighede by graad R-leerders in te skerp, om hierdie leerders vir die kurrikulumbehoeftes in graad 1 tot 3 voor te berei.

Kursusgangers sal die volgende kan doen aan die einde van hierdie kursus:

    • Verstaan die konsep van ontluikende syferkundigheid

    • Verduidelik hoe ontluikende syferkundigheid die grondslag verskaf vir suksesvolle syferkundigheidsontwikkeling

    • ‘n Uiteensetting gee van graad R-uitkomsgebaseerde assesseringstandaarde in die Wiskunde-leerarea - met besondere verwysing na ontluikende syferkundig-heidsontwikkeling in ‘n nieformele onderrig- en leerprogram gebaseer op speel en aktiewe leer.

    • Beskryf hoe die integrering van onderrig en leer oor drie leerprogramme die ontwikkeling van ontluikende syferkundigheid bevorder.

    • Ontwerp geïntegreerde graad R-onderrig- en leeraktiwiteite wat op die HNKV gebaseer is en wat kennis, vaardighede, waardes en houdings t.o.v. syferkundigheid ontwikkel.

    • Inkorporeer syferkundigheidsbeplanning in die daaglikse program in ‘n nieformele omgewing wat spel, ontdekking en aktiewe leer steun.

    • Identifiseer algemene leerhindernisse wat die ontwikkeling van ontluikende syferkundigheid affekteer.

    • Beskryf ten minste drie deurslaggewende daagl;ikse aktiwiteite wat op die graad R-rooster moet wees en wat essensieel is vir die bevordering van syferkundigheidsontwikkeling.

5. Die kursus sal soos volg aangebied word in een sentrum in elke OBOS-distrik gedurende die Januarie 2006-skoolvakansie:
OBOSDatumPlekWKOD-koördineerder en kontak-details
Suid-Kaap & Karoo 10,11,12 Jan OBOS Ntsiki Guga Tel 044 803 8318 / 083 462 4961
Weskus & Wynland 10,11,12 Jan Laerskool Dirkie Uys Zaida Davids Tel 021 8601587 / 073 434 1876
Oos 10,11,12 Jan OBOS Regina Jansen Tel 021 900 7049 / 072 981 6038
Suid 10,11,12 Jan OBOS Ntsiki Tolashe Tel 021 370 2064 / 073 192 3697
Sentraal 10,11,12 Jan Cape Town Teachers Centre Vanessa Minnaar Tel 021 659 4328 / 082 462 8907
Noord 10,11,12 Jan OBOS Suzette de Villiers 021 938 3013 / 082 551 4460
Breederivier & Overberg 10,11,12 Jan OBOS Madeleine Siddle Tel 023 348 4608 / 082 896 1043

6. Graad R-onderwysers wat tans onderrig gee in WKOD-geregistreerde klasse of verbonde is aan openbare gewone primêre skole en onafhanklike preprimêre skole, kom daarvoor in aanmerking om die kursus by te woon. Deelname aan hierdie kursus is egter vrywillig en registrasies per kursus sal tot slegs 30 onderwysers beperk word.
7. Die OBOS’e sal dus op eie diskresie óf ‘n algemene uitnodiging aan hulle skole rig, óf daardie skole uitnooi wat voldoen aan die voorafbepaalde kriteria van die OBOS, soos hoe naby dit aan die vergaderplek geleë is en watter blootstelling aan ander opleidingskursusse daar was. Die OBOS’e sal skole binnekort kontak en alle voltooide registrasies moet na die OBOS teruggestuur word om dit voor of op 18 November 2005 te bereik. Wanneer ‘n onderwyser aanvaar en geregistreer is vir die kursus, sal hy of sy onder verpligting staan om dit by te woon, by versuim waarvan dit nodig sal wees om die koste van die vrugtelose uitgawes van die skool te verhaal. Enige navrae ten opsigte van die registrasie en kususaangeleenthede moet gerig word aan die betrokke OBOS-koördineerder soos in die bogaande tabel aangedui.
8. Daar sal van deelnemers verwag word om hulle eie skryfbehoeftes (vir skryf- en tekenwerk- en liassering ens.) asook die volgende beleidsdokumente van die Hersiene Nasionale Kurrikulumverklaring graad R tot 9 (Skole) Beleid saam te bring:

    • Oorsig

    • Wiskunde Leerareaverklaring

    Indien ‘n deelnemer nie hierdie dokumente ontvang het nie, kan ‘n stel verkry word van die OBOS by die kursus.
9. ‘n Mate van voorbereiding word vereis vir aktiewe deelname aan die kursus. Deelnemers moet bekend wees met die inhoud van die Oorsigdokument en die Leerareaverklarings vir Wiskunde in die taal van leer en onderrig by die skool.
10. Onderwysers wie se registrasies goedgekeur is, kan hulle vervoerkoste terugeis.
10.1 Die volgende eenmalige subsidies sal betaal word op voorwaarde dat die WKOD ‘n korrek- ingevulde eisvorm by die kursus ontvang:

    • 20 tot 50 km in totaal vir die drie dae:   R75-00

    • 51 tot 75 km in totaal vir die drie dae:   R85-00

    • 76 tot 100 km in totaal vir die drie dae:  R95-00

    • +100km in totaal vir die 3 dae:              R100-00

10.2 Die volgende inligting word benodig vir die prosessering van vervoereise:

    • Persalnommer (indien van toepassing)

    • ID-nommer

    • Afstand gereis in kilometer vanaf u woonplek na die lokaal

    • Bankbesonderhede van skoolbeheerliggaamwerknemers

10.3 Onderwysers word versoek om te verseker dat hulle voltooide eisvorms, met al die inligting korrek en gesertifiseer, aan die bestuurder van die plek waar die kursus aangebied word, voorgelê word voor die einde van die kursus. Eise wat afgekeur word omdat dit foutiewe inligting bevat of wat laat voorgelê word, sal ongelukkig nie oorweeg word nie.
11. Ligte verversings sal bedien word met teetyd in die oggend en teen etenstyd.
12. Die Direktoraat Kurrikulum verwelkom hierdie geleentheid om graad R-onderwysers te ondersteun in die waardevolle rol wat hulle vervul in die ontwikkeling van ‘n sterk syferkundigheidsgrondslag by ons jonger leerders


GETEKEN: AP CLAUSEN
HOOF: ONDERWYS
DATUM: 2005:11:09