1. Gedurende die Junie-Julie- en Septembervakansies van 2005 is onderwysers georiënteer t.o.v. Verdere Onderwys en Opleiding (VOO) en die Nasionale Kurrikulumverklaring (NKV) in vakinhoude.
2. Hierdie oriëntering sal in 2006 voortduur vir graad 10-, 11- en 12-leerders Die oriënteringswerkswinkels sal plaasvind in die Junie-Julie-skoolvakansie vanaf 26 Junie tot 7 Julie 2006. Geen oriënteringswerkswinkels sal in September 2006 plaasvind nie.
3. Die NKV-oriëntering vir onderwysers van graad 10 tot 12 sal in ‘n nuwe formaat aangebied word wat gebaseer is op die pas-die-behoefte-benadering. ‘n Modulêre program van werkswinkels sal aangebied word. Hierdie program wat op nuwe inhoud, assesserings-metodologie en gebruik van verwysingsmateriaal veral vir graad 11 fokus, sal aan onderwysers die geleentheid bied om, volgens hulle kwalifikasies en ondervinding, daardie modules wat hulle wil bywoon, te kies.
4. ‘n Lesplan word vir elke module ontwikkel en gee ‘n aanduiding van hoe die nuwe inhoud deur middel van gepaste onderrig-, leer- en assesseringstrategieë sowel as geskikte leeronder-steuningsmateriaal aangebied kan word.
5. Daar word van alle onderwysers verwag om ‘n verskeidenheid werkswinkels by te woon, om hulle kennis daar uit te brei sowel as om waarde toe te voeg deur bydraes van eie kennis en ervaring tot voordeel van die kollegas te maak. Hierdie werkswinkels sal fokus op ‘n integrasie van teorie en praktyk, maar die aard van elke werkswinkel sal verskil van vak tot vak. Elke vak sal behandel word in ‘n program wat oor vyf dae strek, óf in die week wat begin op 26 Junie 2006 óf in die week wat begin op 3 Julie 2006.
6. Alle kleiner vakke (Musiek, Dansstudie, Visuele Kunste, Ontwerp, Dramatiese Kunste, Landbouwetenskap, Meganiese Tegnologie, Elektriese Tegnologie, Ingenieursgrafika en –ontwerp en Toerisme) sal in gesentraliseerde lokale aangebied word, terwyl alle ander vakke in OBOS-distriklokale aangebied sal word.
7. Eenderse programme sal vir elke vak in al die OBOS-distrikte aangebied word.
8. Prinsipale en onderwysers moet daarop let dat die Junie-Julie-werkswinkels nie herhaal sal word nie.
9. Benewens die bogenoemde vakinhoudoriëntering sal daar ook oriëntering in vakassessering vir graad 10 tot 12-onderwysers plaasvind. Die vakassesseringsriglyne sal direk onder skole deur die nasionale Departement van Onderwys versprei word. Hierdie 2-uur-werkswinkels sal plaasvind in klusterkonteks in die OBOS-distrikte.
10. Die program en inligting aangaande registrasieprosedures sal aan skole voorsien word gedurende Februarie 2006.
11. Prinsipale word dringend versoek om ‘n afskrif van hierdie omsendbrief aan graad 10 tot 12-onderwysers te verskaf, of om toe te sien dat hierdie onderwysers volle besonderhede van hierdie 2006-werkswinkels sal kry.


GETEKEN: JP RAULT-SMITH
HOOF: ONDERWYS
DATUM: 2005:10:31