1. |
Na die goedkeuring van die Wiskunde, Wetenskap en Tegnologie (WWT) Uitbreidingstrategie deur die Raad van Onderwysministers, het die Wes-Kaap Onderwysdepartement (WKOD) met ‘n proses begin om 50 toegewyde WWT-skole te selekteer. Dit het oorlegpleging met die OBOS’e en onderwyserunies ingesluit. |
2. |
Die proses het gelei tot die seleksie van twee stelle skole:
40 Dinaledi-skole, wat deel uitmaak van die nasionale WWT-strategie
10 WWT-fokusskole, wat deel uitmaak van die provinsiale WWT-strategie
|
3. |
Die finale 2 lyste skole is op 3 Oktober 2005 deur die Hoof van Onderwys goedgekeur en is aangeheg vir u kennisname. Hierdie skole gaan skole van uitmuntendheid word, wat ‘n grondslag vir verdere ontwikkeling sal voorsien en ‘n ware weerspieëling sal word van die DINALEDI-slagspreuk:
“Ons skep môre se sterre vandag” |
4. |
Die amptelike bekendstelling deur die LUR vir Onderwys sal op 29 Oktober 2005 plaasvind by die Kaapse Akademie vir Wiskunde, Wetenskap en Tegnologie. |
5. |
Die WKOD wens hierdie skole geluk en vertrou dat alle belanghebbendes hulle sal ondersteun in hulle poging om skole van uitmuntendheid in die Wes-Kaap te word. |
GETEKEN: JP RAULT-SMITH
HOOF: ONDERWYS
DATUM: 2005:10:18
|