| 1. |
Skole wat Rekenaarstudie HG en SG op graad 12-vlak aanbied, moet daarop let dat Rekenaarstudie HG en SG Vraestel 2 (die Praktiese eksamen) vir die Senior Sertifikaat Eksamen vanaf November 2005 by die provinsiale nasiensentrum nagesien sal word tesame met alle ander Senior Sertifikaat Eksamen vraestelle. |
| 2. |
Skole wat Rekenaarstudie HG en/of SG aanbied, moet al die lęers wat deur die kandidate vir Vraestel 2 voltooi is, op die CD skryf wat aan die skool gestuur is, en onmiddellik na die aflę van Rekenaarstudie HG Vraestel 2 op 14 Oktober 2005 en SG Vraestel 2 op 02 November 2005 respektiewelik inlewer. |
| 3. |
Die kandidate se eksamenlęers moet in die aanwesigheid van ‘n toesighouer na die CD gekopiëer word onmiddellik na die aflę van die eksamen. Die omslag van die CD moet die sentrumnommer aandui. ‘n Rugsteun-CD moet deur die skool gehou word. |
| 3.1.1 |
Vir Rekenaarstudie HG moet ‘n gids met subgidse vir Java en Databasis respektiewelik vir elke kandidaat geskep word, gemerk met die kandidaat se eksamennommer, waarin al die kandidaat se eksamenlęers vir die onderskeie afdelings verskyn. |
| 3.2.1 |
Vir Rekenaarstudie SG moet die aanhangsel wat by die vraestel ingesluit is en wat aandui watter vrae die kandidaat beantwoord het, tesame met die CD ingehandig word. |
| 3.2.2 |
Vir Rekenaarstudie SG moet ‘n gids vir elke kandidaat geskep word, gemerk met die kandidaat se eksamennommer, waarin al die kandidaat se eksamenlęers verskyn. |
| 4. |
Let asseblief op dat lęers vir Rekenaarstudie HG en SG nie op dieselfde CD geskryf moet word nie. CDs vir Rekenaarstudie HG en SG moet deur die toesighouer verpak word en tesame met ‘n afskrif van die bywoningsregister en sitplekplan aan die Direktoraat: Eksamens vir aandag van mnr E van Breda gekoerier word. Waar die eksamensentrum vir kandidate van verskeie skole voorsiening maak, moet aparte gidse (folders) op dieselfde CD vir die onderskeie skole geskep word. Let wel, slegs een CD per graad per eksamensentrum. |
| 5. |
Die skryf van die kandidate se eksamenlęers op stiffies word ontmoedig. Waar ‘n skool egter nie die kandidate se eksamenlęers op die CD kan skryf nie, moet die betrokke skool toestemming van die Departement ontvang deur mnr I Francis by e-pos ifrancis@pgwc.gov.za of telefoonnommer 021 467 2549 te kontak voor die aflę van Vraestel 2.
|
GETEKEN: JP RAULT-SMITH
HOOF: ONDERWYS
DATUM: 2005.10.12
|