1. Die eerste van die 2005-Algemene Take vir Assessering (AAT’s) vir graad 9-leerders:. Wiskunde, Wiskundige Geletterdheid en Wiskundige Wetenskap (WWGWW) en Lewensoriëntering (LO) sal volgende week per koerier by skole besorg word. Elke skool sal via die koerierdienste die nodige aantal onderwyser- en leerderboekies ontvang in die skool se taal van leer en onderrig vir hierdie leerareas.
2. Na verwagting sal die AAT’s vir Ekonomiese en Bestuurswetenskap (EBW) en Kuns en Kultuur (KK) per koerierdiens afgelewer word in die week van 17 Oktober 2005.
3. Daar word voorsien dat die finale aflewering van die AAT’s teen die einde van Oktober 2005 sal plaasvind.
4. Die Wes-Kaap Onderwysdepartement (WKOD) sou verkies het om al die AAT’s aan skole te lewer voor die begin van die vierde kwartaal, maar daar was ongelukkig onvermydelike vertragings met die ontvangs van die dokumente, wat deur die Nasionale Departement van Onderwys opgestel is, en wat gedruk moes word.
5. Om die vereiste 14 miljoen bladsye te druk en te verpak, is ‘n tydrowende proses. Die WKOD het dus besluit om die AAT’s aan skole te lewer in drie aflewerings, sodat leerders nie nodig sal hê om die AAT’s vir al 8 leerareas in die maand November te voltooi nie.
6. Prinsipale word dus aangeraai om seker te maak dat onderwysers van WWGWW en Lewensoriëntering met die afneem van die AAT’s begin sodra dit ontvang is. Eweneens behoort onderwysers van EBW en Kuns & Kultuur te beplan om die AAT’s kort nadat dit afgelewer is, in die week van 17 Oktober 2005 af te neem. Al die ander AAT’s moet in November afgeneem word.
7. Die WKOD wil graag verskoning maak vir die ongerief wat veroorsaak is deur die laat aflewering van die AAT’s. Daar word vertrou dat onderwysers en leerders nietemin waarde sal haal uit die werk verbonde aan die AAT’s, wat ‘n algemene standaard vir graad 9-leerders landwyd stel.
8. Prinsipale word daaraan herinner dat ingevolge die Assesseringsbeleid van 1998, wat die vordering en bevordering reguleer, 25% van die graad 9-assessering uit ‘n komponent moet bestaan wat ekstern opgestel en/of gemodereer is. Die AAT’s voldoen aan hierdie vereiste, aangesien hulle ekstern opgestel en gemodereer is deur Umalusi, die Algemene en Verdere Onderwys en die Opleiding-gehalteversekeringsliggaam.
9. Daar sal van skole verwag word om die deurlopende assesseringspunte (DASS-punte) sowel as die punte vir die AAT’s aan te bring op die antwoordvelle wat deur die Direktoraat Eksamens uitgestuur word.
10. Let asseblief daarop dat hierdie kwessie op die hoogste vlak aandag geniet, om te verseker dat hierdie situasie nie weer in die toekoms sal voorkom nie. U begrip, ondersteuning en samewerking in hierdie saak word opreg waardeer.


GETEKEN: JP RAULT-SMITH
HOOF: ONDERWYS
DATUM: 2005:10:07