1. Ter voorbereiding vir die implementering van die VOO-NKV in graad 10 in 2006, is dit verpligtend vir onderwysers wat nie die opleiding in Lewensoriëntering vir graad 10 in Maart en Arpil 2005 bygewoon het nie, om albei die volgende opleidingsessies gedurende die 2006-skoolvakansies by te woon.
1.1 Persoonlike Welsyn - Leeruitkoms 1 (Today’s Choices II - ‘n program om Uitkoms 1 uiteen te sit) van 12 tot 14 Januarie 2006
1.2 Beroep en Beroepskeuses - Leeruitkoms 4 (Tweede Fase) Advise and Refer - ‘n program om Uitkoms 4 te ondersteun, vanaf 6 tot 8 April 2006
2. Die doel van hierdie werkswinkels is om die inhoud van bogenoemde leeruitkomste en verwante assesseringstandaarde te ontleed en die nodige kennis, vaardighede, waardes en houdings vir die doeltreffende onderrig en assessering van hierdie nuwe vak te verskaf.
3. Die bronne vir albei hierdie kursusse sal slegs by die opleidingsplekke uitgedeel word. Die inligting is rekenaar- sowel as papiergebaseer. Al die opleiding sal in ‘n rekenaarlaboratorium geskied om die elektroniese toepassing van die kurrikulum te versterk.
4. Inligting aangaande tye en plekke vir die Persoonlike Welsyn-werkswinkels sal aan die einde van 2005 en vir die Beroepsleidingwerkswinkels teen die einde van Februarie 2006 bekendgemaak word.
5. Prinsipale word vriendelik versoek om hierdie minuut so spoedig moontlik onder die aandag van alle graad 10-Lewensoriënteringopvoeders te bring.


GETEKEN: JP RAULT-SMITH
HOOF: ONDERWYS
DATUM: 2005:10 :06