1. Die nasionale Departement van Onderwys en die nege provinsiale onderwys-departemente, in samewerking met Eerste Nasionale Bank, sal weereens in 2005 die Tirisano Skoolkooreisteddfod (TISCE) vir primêre en sekondêre skole reël.
2. Die eisteddfod maak voorsiening vir die volgende afdelings: 
(a) Graad R - 2
(b) Graad R - 4
(c) Graad 5 - 7
(d) Graad 8 - 9
(e) Graad 10 - 12
3. Musiek is vir al die afdelings voorgeskryf. Kore wat nie in die kategorieë vir voorgeskrewe musiek wil deelneem nie, kan liedere van hulle eie keuse aanbied.
4. Uitdunrondes sal gedurende April en Mei by ‘n lokaal in elk van die OBOS-distrikte plaasvind. Die beste kore en soliste van elke OBOS-distrik sal van 27 tot 29 Mei 2005 deelneem aan die provinsiale eindrondes in Kaapstad.
5. Die beste kore en soliste van elke provinsie sal van 7 tot 10 Julie 2005 hulle onderskeie provinsies by die nasionale eindronde in Johannesburg verteenwoordig.
6. Alle skole word uitgenooi om deel te neem aan hierdie eisteddfod. Die reëls vir deelname en die voorgeskrewe musiek is verkrygbaar by die volgende Kurrikulumadviseurs (Kuns en Kultuur):
OBOSKurrikulumadviseurKontaknommbers
Metropool SentraalMnr. J. Cowan021 6594300
Metropool OosMe. A. Joubert
Me. B. Pretorius		021 900 7000
Metropool NoordMnr. K. Tabisher021 938 3000
Metropool SuidMe. I. Bruce021 370 2000
Weskus/WynlandMnr. L. du Preez021 860 1200
Breederivier/OverbergMe. C. Ross023 348 4600
Suid-Kaap/KarooMnr. J. Theodore044 803 8300
7. Voltooide inskrywingsvorms moet die betrokke Kurrikulumadviseur teen nie later nie as 28 Februarie 2005 bereik.
8. Bring asseblief die inhoud van hierdie minuut onder die aandag van alle belanghebbendes.


GETEKEN: J.P. RAULT-SMITH
HOOF: ONDERWYS
DATUM: 2005:01:26