| 2. |
Die 5 dae se oriëntering (08:30 – 16:00 daagliks) neem ‘n aanvang op Maandag, 26 September 2005 en duur voort tot op Vrydag, 30 September 2005, wanneer die finale sessie ten einde loop teen 15:00.
|
| 3. |
Die 3 dae se oriëntering (08:30 – 16:00 daagliks) neem ‘n aanvang op Woensdag 28 September 2005 en duur voort tot op Vrydag, 30 September 2005, wanneer die finale sessie ten einde loop teen 15:00.
|
| 4. |
Oriëntering sal in die volgende vakke aangebied word:
Toerisme, Wiskundige Geletterdheid, Ekonomie, Rekenaartoepassingstegnologie (RTT). Landbouwetenskap en die vier Tegnologievakke (Siviele Tegnologie, Elektriese Tegnologie Meganiese, Tegnologie, Ingenieursgrafika en –ontwerp)
|
| 5. |
Alhoewel prinsipale versoek is om onderwysers teen Vrydag, 26 Augustus 2005 te registreer, is laat registrasies aanvaar tot Maandag, 5 September 2005. Geen verdere registrasies kan geakkommodeer word nie aangesien alle logistiese reëlings reeds getref is.
|
| 6. |
Prinsipale word ernstig versoek om te verseker dat alle onderwysers by die reëlings hou. Baie logistiese probleme is gedurende die Junie-Julie-werkswinkels ervaar toe onderwysers afgewyk het van die reëlings. Vele ongeregistreerde onderwysers het by die plekke waar die opleiding aangebied is, opgedaag terwyl ander, sonder enige goedkeuring verander het van vergaderplek. Dit het uitgeloop op tekorte van uitdeelmateriaal, oorbelading van vergaderplekke en onvoldoende spyseniering.
|
| 7. |
Op grond van die behoefte aan die vakke Wiskundige Geletterdheid, Ekonomie en Rekenaartoepassingstegnologie, sal hierdie vakke in OBOS-kontekste geakkommodeer word.
|
| 8. |
As gevolg van die kleiner getalle in die Toerisme- en Tegnologie-vakke (Tegnologie (Siviel), Tegnologie (Elektries), Tegnologie (Meganies), Ingenieursgrafika en –ontwerp) sal gesentraliseerde werkswinkels vir hierdie afdelings gehou word.
|
| 9. |
Die name van die skole wat geregistreer het, sowel as die plekke waar bymekaar gekom word, word aangedui in Bylae A. Prinsipale word versoek om hierdie inligting onmiddellik oor te dra aan die betrokke onderwysers. Slegs onderwysers wat geregistreer het en aan wie vergaderplekke toegeken is, sal vakoriënteringsmateriaal ontvang en vergoed word vir enige reiskoste na die vergaderplekke.
|
| 10. |
Aangesien die Departement slegs oor beperkte fondse beskik, sal onderwysers net ligte middagmale ontvang. Oggend- en middagtee of koffie sal bedien word.
|
| 11. |
Onderwysers sal vir reiskoste vergoed word. Dit is dus noodsaaklik dat elke onderwyser die volgende na die werkswinkel toe saambring:
|
| 11.1 |
Sy of haar persalnommer
|
| 11.2 |
Registrasiebesonderhede van die voertuig wat hy of sy vir transport gebruik.
|
| 12. |
Onderwysers wat gebruik maak van openbare vervoer moet amptelike kwitansies aanheg aan hulle eise vir vervoerkoste.
|
| 13. |
Waar onderwysers per minibus-taxi reis, moet hulle eise vergesel word van óf die kwitansies wat daarvoor uitgereik is, óf ‘n brief van hulle prinsipaal wat die onkoste wat aangegaan is, verklaar. Elke onderwyser moet ‘n aparte gesertifiseerde eis indien.
|
| 14. |
Geregistreerde onderwysers wat een van die gesentraliseerde werkswinkels vir Toerisme of Landbou of een van die vier Tegnologie-vakke bywoon, sal vergoed word vir die reiskoste sowel as vir redelike verblyfkoste.
|
| 15. |
Geen onderwyser sal vergoed word vir reis- of verblyfkoste indien hy of sy na die werkwinkel toe reis vanaf die plek waar hy of sy vakansie hou nie.
|
| 16. |
Onderwysers moet alle eise voorlê aan hulle onderskeie OBOS’e se hoofkurrikulumadviseurs, wat die onkoste wat aangegaan is bestuur.
|
| 17. |
Onderwysers moet die volgende dokumente na die vakoriënteringswerkwinkels toe saambring (Hierdie dokumente is aan alle skole uitgedeel en sal nie weer deur die WKOD verskaf word nie.):
|
| 17.1 |
Die betrokke vakverklaring
|
| 17.2 |
Die RAVO Beleidshandleiding vir Opvoeders (2003)
|
| 17.3 |
Die Konsep-witskrif oor e-Onderwys (2003)
|
| 17.4 |
Ontleding van Nuwe Kennis, Vaardighede, Metodologie, IT en Assessering (aan alle vakonderwysers uitgereik gedurende die vakomvangwerkwinkels gedurende 2004)
|
| 17.5 |
Vakinligtingshandleiding (uitgereik aan alle onderwysers in 2004 gedurende die vakomvangwerkswinkels)
|
| 18. |
Onderwysers sal die volgende dokumente by die vakoriënteringwerkswinkels ontvang :
|
| 18.1 |
‘n Leerprogramriglyndokument vir die vak
|
| 18.2 |
Afrikaanse weergawes van die vakverklarings, waar van toepassing
|
| 18.3 |
‘n Handleiding vir kursusgangers
|
| 18.4 |
‘n Vakwerkwinkel se bronnepakket (dit sal in Afrikaans vertaal word en in die derde kwartaal versprei word, waar van toepassing.)
|
| 19. |
Ter voorbereiding op die oriënteringwerkwinkels word onderwysers aangemoedig om die VOO-webtuiste (http://curriculum.wcape.school.za) te besoek en die dokument genaamd die Nasionale Senior Sertifikaat: ‘n Kwalifikasie op Vlak 4 op die Nasionale Kwalifikasieraamwerk (NKR) af te laai.
|
| 20. |
Indien u enige verdere inligting benodig, kan u die WKOD se provinsiale koördineerder vir VOO, mnr T Smit, skakel by telefoonnommer 021 467 2630, of per e-pos by tcessmit@pgwc.gov.za
|
GETEKEN: J.P. RAULT-SMITH
HOOF: ONDERWYS
DATUM: 2005:09:15
|