| 1.1 |
Moderering van sentrumgebaseerde assessering deur die OBOS is `n noodsaaklike gehalteversekeringsaktiwiteit want dit kontroleer of dit aan die beleidseise voldoen en verskaf waardevolle terugvoering aan onderwysers en sentrumbestuurders. |
| 1.2 |
Tans gebruik adviseurs by die OBOS die modereringsinstrument ABAS 3a/b om leerder- en onderwyserportefeuljes by leersentrums vir volwassenes te modereer. |
| 1.3 |
Sentrumgebaseerde assesseringspunte van sentrums word op die puntelys ABAS 2 aan OBOS-kurrikulumadviseurs voorgelê vir goedkeuring en dan oorgedra na die rekenaarskedule wat deur die Direktoraat Eksamens voorsien word.
|
| 2. |
Provinsiale verifikasievergadering |
| 2.1 |
OBOS’e word versoek om hul BOOV-kurrikulumadviseurs na die WKOD se provinsiale verifikasievergadering te stuur wat op die 4de en 5de Oktober 2005 by die Kaapstad Onderwysersentrum in Moltenoweg, Claremont, Kaapstad sal plaasvind. Die agenda vir hierdie vergadering is by hierdie minuut ingesluit. |
| 2.2 |
Die adviseur moet ‘n verteenwoordigende voorbeeld van ‘n leerderportefeulje van elke leerarea na hierdie vergadering saambring. Die portefeuljes behoort verteenwoordigend te wees van alle sentrums wat vir die Oktober 2005-assessering geregistreer het en behoort al die gemodereerde portefeuljes in te sluit. |
| 2.3 |
Die kurrikulumadviseurs behoort hierbenewens die volgende dokumentasie wat vir die verifikasie van die proses in die OBOS-distrik gebruik sal word, te verskaf:
- OBOS-distriksmodereringsverslae - wat insluit verslae oor die standaardstellings-vergadering en moniteringsvergadering wat in die OBOS-distrik gehou is
- Die BOOV-Kurrikulumadviseur se modereringslêers wat die modereringsvorms en polis-dokumentasie insluit
- Opvoedersportefeuljes per sentrum per leerarea moet die leerderportefeuljes vergesel aangesien die provinsiale modereerders `n deel van die portefeuljes sal modereer as deel van die verifikasieproses.
|
| 2.4 |
Om te verhoed dat te veel portefeuljes saamgedra word, behoort daar ten minstens vyf portefeuljes per sentrum per leerarea na die vergadering gebring te word. In die geval waar minder as vyf leerders vir `n leerarea geregistreer het, behoort alle portefeuljes na die vergadering gebring te word. |
| 3. |
UMALUSI BOOV vlak 4-verifikasievergadering |
| 3.1 |
Drie UMALUSI-moderators gaan die Wes-Kaap op 6 en 7 Oktober 2005 besoek om die modereringsproses vir BOOV vlak 4 te verifieer. Hulle gaan die volgende leerareas se moderering verifieer:
- TGK: Engels
- Ekonomiese en Bestuurwetenskappe
- Lewensoriëntering
|
| 3.2 |
Die program vir hierdie vergadering vergesel hierdie minuut en die BOOV-kurrikulumadviseurs word versoek om hierdie vergadering by te bywoon. Hulle behoort ten minstens tien portefeuljes per leerarea per sentrum vir die drie bogenoemde leerareas saam te bring. In die geval waar minder as tien leerders vir `n leerarea geregistreer het, behoort alle portefeuljes na die vergadering gebring te word. |
| 3.3 |
Opvoederportefeuljes per sentrum per leerarea behoort saam met leerderportefeuljes gebring te word omdat UMALUSI-modereerders `n steekproef van die portefeuljes gaan modereer as deel van die verifikasieproses. |
| 3.4 |
Daarbenewens sal die UMALUSI-moderators `n spesiale terugvoeringsvergadering aanbied vir opvoeders wat die bogenoemde drie leerareas onderrig. Hierdie opvoeders word uitgenooi na die vergadering by die Onderwysersentrum op 7 Oktober vanaf 13:30 tot 15:30. |
| 3.5 |
OBOS’e word versoek om mnr J Parbhoo (jparbhoo@pgwc.gov.za) teen 21 September 2005 in kennis te stel van die getal opvoeders in hulle distrik wat die vergadering sal bywoon. |
| 4. |
Die teenwoordigheid van die BOOV-kurrikulumadviseurs is noodsaaklik vir die verskaffing van terugvoering aan die sentrums en alle pogings moet dus aangewend word om hierdie vergaderings by te woon. |
GETEKEN: JP RAULT-SMITH
HOOF: ONDERWYS
DATUM: 2005:09:15
|