1. |
Die Departement Geografie van die Universiteit van die Wes-Kaap (UWK) sal ‘n kursus aanbied oor Geografiese Inligtingstelsels (GIS’e) om die vaardighede van Geografie-opvoeders van die Wes-Kaap Onderwysdepartement (WKOD) te slyp. |
2. |
Die kursus sal plaasvind op 26 en 27 September 2005 en sal konsentreer op die GIS-programmatuur in die Geografie klaskamer. |
3. |
Hierdie gesamentlike poging tussen die Departement Geografie van die Universiteit van die Wes-Kaap en die WKOD sal die eerste wees van ‘n reeks kwartaallikse vakansiekursusse vir Geografie-onderwysers wat hulle onderrigvaardighede vir die nuwe VOO-kurrikulum wil verbeter. |
4. |
Gedurende die Julie 2005-oriënteringsessies het verskeie opvoeders aangedui dat hulle belangstel om sodanige kursus by te woon. ‘n Lys van hierdie opvoeders is aangeheg as Bylae A. Al die Geografie-onderwysers in die WKOD mag aansoek doen om dit by te woon, alhoewel die kursusgangers a.g.v. beperkte fasiliteite tot 80 beperk sal moet word. |
5. |
Die tweedaagse kursus sal aangebied word in die Wiskunde Rekenaarlaboratorium van die UWK en sal daagliks ‘n aanvang neem op 08:30 en eindig op 16:30 (26 & 27 September 2005).
|
6. |
Opvoeders wat dit wil bywoon moet self vir hulle vervoer en akkommodasie betaal. Die kursusgeld is R50.00. |
7. |
Enige VOO-Geografieopvoeder wat die kursus wil bywoon, moet mnr Andrew Isaacs (Senior Kurrikulumbeplanner: Geografie) in kennis stel by faks (021-467 2258) of e-posadres (anisaacs@pgwc.gov.za) nie later nie as teen 14:00 op Woensdag, 21 September 2005. |
8. |
Volle programbesonderhede kan gevind word op die volgende webtuiste van die WKOD: http://curriculum.wcape.school.za (gaan dan na "Geography (FET)" ) |
GETEKEN: JP RAULT-SMITH
HOOF: ONDERWYS
DATUM: 2005:09:16
|