1. Skole word versoek om na Eksamenminuut DEA/0029/2005 van 3 Junie 2005 te verwys vir inligting oor die Algemene Assesseringstake (AAT’s), veral vir instruksies aangaande die hoeveelheid tyd wat aan elke AAT bestee moet word. Let asseblief daarop dat hierdie toewysings dui op ‘n aanbevole minimum tyd en dat leerders langer sal neem om die take te voltooi.
2. Dit is belangrik om te onthou dat die take aangebied moet word in ‘n ondersteunende omgewing.
3. Omdat daar vertragings was in die voorbereiding en gehalteversekering van die AAT’s op nasionale vlak, moes die lewering aan skole uitgestel word tot die einde van Oktober in die vierde kwartaal. Die Departement betreur die vertraging.
3.1 Die verspreiding sal plaasvind so vroeg as moontlik in Oktober.
3.2 ‘n Opvolgminuut sal na skole gestuur word sodat hulle kan weet wanneer om die aflewering te verwag.
3.3 Sodra die AAT’s afgelewer is en onderwysers gereed is, kan hulle begin om die AAT’s aan te voor.
4. Die AAT’s sal in kartonhouers afgelewer word en nie in plastiek verseël word nie. Skole word aangemoedig om die houers oop te maak en te inspekteer sodra hulle ontvang is, om seker te maak dat al die nodige voorbereidings, soos om die betrokke toerusting te verskaf, gedoen kan word om die proses glad te laat verloop. Skole moet daarop let dat die kaarte wat verskaf sal word, vir toekomstige gebruik as ‘n bron bewaar moet word.
5. Navrae aangaande die registrasie van leerders kan gerig word aan mnr L van Gensen by 021 467 2976, en aangaande die aflewering van die AAT’s, aan mnr C Berry by 021 467 2265.
6. Daar sal van leerders verwag word om die AAT’s teen 21 November 2005 te voltooi om tyd toe te laat vir die vaslegging van die data by die skole.
7. Die datavaslegging moet in potlood gedoen word op die datablaaie wat voorsien word, vir die doeleindes van elektroniese skandering. Volle instruksies vir die vaslegging sal verskaf word in die eksamenminuut, wat die AAT’s sal vergesel.
8. Die OBOS’e sal die modereringsproses bestuur in ooreenstemming met hulle geadverteerde datumskedules. Indien die AAT’s voltooi is en gemodereer is voor die geskeduleerde modereringsdatums, moet hierdie gegewens ook na die modereringsklusters gebring word.
9. Voltooide datablaaie kan per hand ingelewer word by mnr L van Gensen of L van Harte in Kamer 417, Grand Central Towers, Laer Pleinstraat, Kaapstad. As alternatief moet skole die koeriermaatskappy skakel by (021) 531 9191 om die blaaie te kom afhaal as hulle gereed is. Alle blaaie moet by die Hoofkantoor ingelewer wees teen 2 Desember, 2005.
10. Skole moet daarop let dat die datablaaie nie die bevorderingskedule vervang nie. Lg. moet per hand of elektronies voltooi word vir voorlegging aan die multi-funksionele span van die OBOS, op die normale manier.
11. Die bevorderingskedule vir 2005 is dieselfde as vir 2004. Behalwe vir die weglating van Afdeling B van die AAT, is die prosesse vir die berekening van totale en vir rekordhouding vir 2005 dieselfde as vir 2004.
11.1 Die elektroniese MS Excel-weergawe, wat help met die berekeninge, kan gevind word by die webtuiste http://curriculum.wcape.school.za op die Assessment (GET and FET)-skakel, onder die hofie Resources en Grade 9 Data Capture Instrument.
11.2 ‘n MSWord-weergawe van die dokument is onder dieselfde skakel onder die opskrif Promotion Schedule for Grade 9 2005.
12. Prinsipale word versoek om die inhoud van hierdie omsendbrief onder die aandag van alle betrokkenes te bring, sodat onderwysers, leerders en ouers weet dat die AAT’s in die program vir die vierde kwartaal ingesluit moet word.


GETEKEN: J.P. RAULT-SMITH
HOOF: ONDERWYS
DATUM: 2005:09:05