1. Die assessering van Graad 3-leerders wat in 2004 deur die Wes-kaap Onderwysdepartement (WKOD) onderneem is, het aangedui dat die geletterdheidsvlakke van baie leerders verbeter moet word. As gevolg daarvan soek en implementeer die WKOD maniere waarop onderwysers en skole ondersteun en gehelp kan word om geletterdheidsvlakke te verbeter. Een van die maniere hiervoor is om ondersteuning en opleiding vir vroeë geletterdheid te verskaf.
2. Dit is wyd nagevors, bewys en aanvaar dat geletterdheidsontwikkeling sy wortels in die voor-geletterdheidservaringe van vroeë kinderjare het, en dit is dus belangrik dat hierdie voor-geletterdheidservaringe behoorlike erkenning en aandag geniet.
3. Die WKOD bied ‘n intensiewe 3-daagse kursus aan in vroeë geletterdheid vir graad R-onderwysers om bewustheid en begrip van die belangrikheid van ‘n deeglike vroeë geletterdheidsgrondslag vir latere sukses in lees en skryf te bevorder.
4. Die kursus beoog om graad R-onderwysers se begrip en vermoë te ontwikkel om gepaste voor-geletterdheidsvaardighede by graad R-leerders in te skerp, om hierdie leerders vir die kurrikulumbehoeftes in graad 1 tot 3 voor te berei.

Kursusgangers sal die volgende kan doen:

  • Die ooreenkomste en verskille tussen die konsepte van voor-geletterdheid en geletterdheid verstaan

  • Verduidelik hoe voor-geletterdheid die grondslag bied vir suksesvolle geletterdheidsontwikkeling

  • Die graad R-assesseringstandaarde in die Tale Leerarea van Huistaal en Eerste Addisionele Taal uiteensit, met spesifieke verwysing na voor-geletterdheidsontwikkeling

  • Graad R-onderrig- en leeraktiwiteite ontwerp wat voor-geletterdheidskennis, -vaardighede, -waardes en –gesindhede ontwikkel.

  • Algemene leerversperrings identifiseer wat ‘n sterk uitwerking het op die ontwikkeling van voor-geletterdheid

5. Die kursus sal aangebied word in een sentrum in elke OBOS gedurende die September-vakansie, soos volg:
OBOSDatumPlekWKOD Ko-ordineerder en kontakbesonderhede
Suid-Kaap & Karoo26, 27, 28OBOSNtsiki Guga
Tel.: 044-8038318/0834624961
Weskus/Wynland26, 27, 28Laerskool Dirkie UysZaida Davids
Tel.: 021 8601587/073 434 186
Oos26, 27, 28KOI-biblioteekNonkomfa Makewane
Tel.: 021 9007048/083 207 2668
Suid26, 27, 28OBOSLesley Pearson
Tel.: 021 3724521 / 083 969 1465
Sentraal29, 30, 01Kaapstad OnderwysersentrumSaras Pillay
Tel.: 021 6594347/ 083 3575003
Noord29, 30, 01Parow-Wes LaerskoolSuzette de Villiers
Tel.: 021 938 3013 / 082 551 4460
Breede Rivier & Overberg29, 30, 01OBOSMadeleine Siddle
Tel.: 023 348 4608 / 082 896 1043

6. Graad R-onderwysers wat tans onderrig gee in WKOD-geregistreerde klasse in of verbonde aan openbare gewone primêre skole en onafhanklike preprimêre skole, kom daarvoor in aanmerking om die kursus by te woon. Deelname aan hierdie kursus is egter vrywillig en registrasies per kursus sal tot slegs 30 onderwysers beperk word..
7. Die OBOS’e sal dus op eie diskresie òf ‘n algemene uitnodiging aan hulle skole rig, òf daardie skole uitnooi wat voldoen aan die voorafbepaalde kriteria van die OBOS, soos hoe naby dit aan die vergaderplek geleë is en watter blootstelling aan ander opleidingskursusse daar was. Die OBOS’e sal skole binnekort kontak en alle voltooide registrasies moet na die OBOS teruggestuur word om dit voor of op 13 September te bereik. Wanneer ‘n onderwyser aanvaar en geregistreer is vir die kursus, sal hy of sy onder verpligting staan om dit by te woon, by versuim waarvan dit nodig sal wees om die koste van die vrugtelose uitgawes van die skool te verhaal. Enige navrae ten opsigte van die registrasie en kususaangeleenthede moet gerig word aan die betrokke OBOS-koördineerder soos in die bogaande tabel aangedui.
8. Daar sal van deelnemers verwag word om hulle eie skryfbehoeftes sowel as die volgende drie Beleidsdokumente van die Hersiene Nasionale Kurrikulumverklaring graad R tot 9 (Skole):saam te bring:
  • Oorsig

  • Leerareaverklaring vir Tale - Huistale

  • Leerareaverklaring vir Tale – Eerste Addisionele Taal

Indien ‘n deelnemer nie hierdie dokumente ontvang het nie, kan ‘n stel verkry word van die OBOS by die kursus.

9. ‘n Mate van voorbereiding word vereis vir aktiewe deelname aan die kursus. Deelnemers moet bekend wees met die inhoud van die Oorsigdokument en die Leerareaverklarings vir Tale, vir die Huistaal en Eerste Addisionele Taal van daardie tale wat relevant is vir hulle leerders.
10. Onderwysers wie se registrasies goedgekeur is, kan hulle vervoerkoste terugeis.
10.1 Die volgende eenmalige subsidie sal betaal word op voorwaarde dat die WKOD ‘n korrek-ingevulde eisvorm by die kursus ontvang:
  • 20 tot 50 km in totaal vir die drie dae: R75-00

  • 51 tot 75 km in totaal vir die drie dae: R85-00

  • 76 tot 100 km in totaal vir die drie dae: R95-00

  • +100km in totaal vir die 3 dae: R100-00

10.2 Die volgende inligting word benodig vir die prosessering van vervoereise:
  • Persalnommer (indien van toepassing)

  • ID-nommer

  • Afstand gereis in kilometer vanaf u woonplek na die lokaal.

10.3 Onderwysers word versoek om te verseker dat hulle voltooide eisvorms, met al die inligting korrek en gesertifiseer, aan die bestuurder van die plek waar die kursus aangebied word, voorgelê word. Eise wat afgekeur word omdat dit foutiewe inligting bevat of wat laat voorgelê word, sal ongelukkig nie deur die WKOD uitbetaal word nie.
11. Ligte verversings sal bedien word met teetyd in die oggend en teen etenstyd.
12. Die Direktoraat Kurrikulum verwelkom hierdie geleentheid om graad R-onderwysers te ondersteun in die waardevolle rol wat hulle vervul in die ontwikkeling van ‘n sterk geletterdheidsgrondslag by ons jonger leerders.


GETEKEN: J.P. RAULT-SMITH
HOOF: ONDERWYS
DATUM: 2005:08:29