1. Die Nasionale Inligtingsdiens vir Hoër Onderwys (NidHO) het ‘n boek ontwikkel, getiteld Grade 9 Guide – Into Higher Education, wat onder alle skole in die provinsie wat Graad 9 aanbied, versprei sal word. Die Nasionale Departement van Onderwys sal die verspreiding van die gids hanteer, wat tussen September en Oktober 2005 sal plaasvind.
2. Hierdie gids sal graad 9-leerders van inligting voorsien aangaande geleenthede vir hoër onderwys en sal hulle help om ingeligte besluite te neem rondom beroepe en vakkeuses. Hierdie gids kan ook deur die leerders in die VOO-band gebruik word.
3. Die leiding wat aan graad 9-leerders deur middel van hierdie boek verskaf word, maak deel uit van die vereistes vir die volgende uitkomste van Lewensoriëntering:

  • C2005 (1997) SU1, SU5 en SU6; en

  • HNKV (200) LU1 en LU5
4. Elke skool sal twee kopieë van die boek ontvang, wat gebruik moet word as bykomende bronne vir Lewensoriënteringopvoeders en -leerders.
5. Prinsipale word versoek om die inhoud van hierdie minuut onder die aandag van alle betrokke Lewensoriënteringsonderwysers te bring.


GETEKEN: J.P. RAULT-SMITH
HOOF: ONDERWYS
DATUM: 2005:08:19