1. Die Wes-Kaap Onderwysdepartement is in die posisie om aan die hoofeksaminator van elke vraestel die provinsiale uitslae vir daardie vraestel te verskaf.
2. Hierdie inligting is vertroulik, maar die hoofeksaminatore kan dit met hulle eksamineringspanele deel. Die statistiek wat gegee is, dui die provinsiale gemiddeld vir elke vraag aan, asook die provinsiale gemiddeld vir die vraestel as geheel.
3. Eksaminerende panele moet die statistiek bestudeer en die implikasies vir hulle vakke en vir die kandidate bespreek.
4. Waar eksaminatore bekommernisse of aanbevelings het, word die hoofeksaminator versoek om so spoedig moontlik ’n kort verslag aan die Direkteur: Kurrikulumontwikkeling voor te lê.
5. Daar word gehoop dat die verskaffing van hierdie statistiek die eksaminatore met die opstel van goed gebalanseerde vraestelle sal help.


GETEKEN: J.P. RAULT-SMITH
HOOF: ONDERWYS
DATUM: 2005:01:19