1. Skole berei, na afloop van die Julie-oriënteringskursus vir graad 7-leerders, voor vir die instelling in Januarie 2006 van die Hersiene Nasionale Kurrikulumverklaring (HNKV) in graad 7. Voorbeelde van beplanningsdokumente is gedurende die oriëntering opgestel om onderwysers behulpsaam te wees. Hierdie dokumente dien as voorbeelde en is nie beleidsdokumente nie. Hulle is onvolledige modelle van hoe om te beplan, omdat hulle die skool se eie inhoud weglaat, wat by die beplanning ingesluit moet wees.
2. Aangeheg is ‘n voorbeeld van ‘n Xhosa Eerste Addisionele Taal leerprogram vir graad 7. Hierdie Xhosa-leerprogram is bykomend tot die leerprogramme wat vroeër voorsien is. Dit is deur praktiserende onderwysers en kurrikulumamptenare ontwikkel en dit dek al die vereiste leeruitkomste en assesseringstandaarde vir die leerarea.
3. Prinsipale word versoek om te verseker dat graad 7-onderwysers van Xhosa Eerste Addisionele Taal hierdie leerprogram aanpas by die konteks van hulle skool.
4. Skole wat addisionele afskrifte van die leerprogram benodig, kan dit teen kosprys verkry by Edumedia (telefoonnommer 021-689 9536 of e-posadres: edumedia@pgwc.gov.za ).
5. Hierdie voorbeeld word verskaf as ‘n bron om skole aan te moedig om die aanleer van ‘n derde taal in die AOO-band te bervorder.


GETEKEN: JP RAULT-SMITH
HOOF: ONDERWYS
DATUM: 2005:10:06


Die dokumente, waarna verwys word in die minuut, is aan skole gestuur.