| 1. |
Die Wêreld van Werk-leerderwerkboeke vir graad 9 is gereed om afgehaal te word. Skole word versoek om die dose, wat ‘n werkboek vir elke graad 9-leerder bevat, so gou moontlik by hulle bepaalde OBOS af te haal.
|
| 2. |
Die werkboek, wat in Engels en Afrikaans beskikbaar is, bestaan uit ‘n leerdervraelys met voorgestelde toepaslike assesseringstake wat gebruik maak van ‘n verskeidenheid assesseringsvorms. Deur leerders by hierdie take te betrek, sal hulle gehelp word om ingeligte besluite oor loopbane en en vakkeuses te neem. Hierdie take sal deel vorm van leerders se Lewensoriënteringsportefeuljewerk.
|
| 3. |
Die PACE-program is een van die ondersteuningsprogramme wat die Wes-Kaap Onderwysdepartement ingestel het om die deurgangsyfer van leerders te verbeter en om hulle meer effektief te lei ten opsigte van geleenthede in verdere onderwys en werksgeleenthede. In gevalle waar leerders suksesvol blootgestel is aan die PACE-program, óf deur middel van die rekenaar óf op papier, is dit bewys dat dit ‘n baie bruikbare instrument is om leerders tydens hierdie kernbesluitnemingsproses by te staan.
|
| 4. |
Skole word gevolglik aangemoedig om ‘n hoë prioriteit te plaas op die Wêreld van Werk-fokus in die Lewensoriënteringsleerarea in graad 9 en om leerders die nodige ondersteuning te bied wanneer die PACE-belangstellingsvraelys en opvolgtake aangepak word.
|
| 5. |
Prinsipale word versoek om die inhoud van hierdie minuut onder die aandag van alle betrokke Lewensoriënteringsonderwysers te bring. Die aangehegte bylae dui die name van die skakelpersone aan wanneer die boeke by die OBOS’e afgehaal word. Vir meer inligting, skakel asseblief met me BJ Prince, die PACE-projekbestuurder by Hoofkantoor per faks: 021 467 2258, telefoon: 021 467 2632 of e-pos: bprince@pgwc.gov.za of me D Christiaans, die Senior Kurrikulumbeplanner: Lewensoriëntering per telefoon: 021 467 2589 of e-pos: dchristi@pgwc.gov.za.
|
| 6. |
U samewerking sal waardeer word.
|
GETEKEN: J.P. RAULT-SMITH
HOOF: ONDERWYS
DATUM: 2005:08:10
|