| 1. |
Die visie van die WWT-strategie van die Wes-Kaap Onderwysdepartement (WKOD) is n wetenskaplik geletterde, tegnologies vaardige en wiskundig geletterde samelewing. Dit is dus belangrik om individue te bemagtig om deel te neem aan die opkomende kennisgebaseerde ekonomie en om volhoubare ontwikkeling te ondersteun. Die WKOD het, in samewerking met die Wetgewer in die Wes-Kaap en ander rolspelers, hom verbind tot die vermeerdering van die aantal leerders wat Wiskunde en Natuurwetenskap op Hoėrgraad loop en deurkom, veral leerders uit dié sektore van die bevolking wat onderverteenwoordig is in die bereiking van hierdie doelwit.
|
| 2. |
Tans registreer en slaag slegs 11% van ons graad 12-leerders Wiskunde op Hoėrgraad. Die onderstaande tabel toon die syfers vir die afgelope drie jaar aan:
| Leerders wat Wiskunde op Hoėrgraad loop | | | |
| Jaar | 2002 | 2003 | 2004 |
| Senior Sertifikaat-inskrywings | 38 117 | 38 750 | 38 896 |
| Inskrywings vir Wiskunde HG | 4 119 | 4 446 | 5 093 |
| Slaagsyfer vir Wiskunde HG | 3 679 | 3 938 | 4 268 |
| % inskrywings vir HG | 10.81 | 11.47 | 13.09 |
| Slaagpersentasie vir HG | 9.65 | 10.16 | 10.97 |
Hierdie lae persentasie beperk beide die aantal loopbaangeleenthede wat vir matrikulante beskikbaar is en die ontwikkeling van ons ekonomie.
|
| 3.1 |
Dit is ons oogmerk om intervensiestrategieė in werking te stel ten einde die aantal leerders wat Wiskunde en Natuurwetenskap op Hoėrgraad in 2005 aangebied het te verdubbel teen 2007. Dit is dus van besondere belang om te verseker dat leerders wat tans hierdie vakke in graad 10 tot 12 op Hoėrgraad loop, ten volle ondersteun word ten einde hulle in staat te stel om op Hoėrgraad voort te gaan en om die vakke op hierdie vlak aan die einde van graad 12 te slaag.
|
| 3.2 |
Die teiken vir 2005 is dat alle leerders Wiskunde en Natuurwetenskap op die graad waarvoor hulle aan die begin van die jaar ingeskryf het, moet slaag. Skole moet addisionele ondersteuning bied aan daardie leerlinge wat probleme ondervind om die vak(ke) op die Hoėr Graad te slaag, eerder as om oor te skakel na Standaardgraad.
|
| 3.3 |
Skole word versoek om vanaf 2006, in Graad 10 soveel leerders as moontlik aan te moedig om Wiskunde te kies in 2006. Die waarde van Wiskunde ten opsigte van werkgeleenthede en verdere studie behoort ook aan leerders oorgedra te word.
|
| 4. |
Skole word dus versoek om teikens te stel vir die bereiking van hierdie doelwitte. OBOS-amptenare sal skole besoek om hierdie teikens te bespreek en om verslag te doen oor pogings om die teikens te bereik.
|
| 5. |
Vind asseblief aangeheg vir u gerief die skedule vir hierdie proses (Bylae C) en die doelwitstellende vorms vir Wiskunde (Bylae A) en Natuurwetenskap (Bylae B). Hierdie vorms kan deur u personeel gebruik word in n bespreking aangaande die teikens wat deur u skool gestel sal word voor die besoek deur die OBOS-beampte.
|
| 6. |
Bylaes A en B moet asseblief teen 23 September 2005 by die OBOS Hoofkurrikulumadviseur ingedien word. U word versoek om by hierdie sperdatum te hou aangesien die WKOD hierdie teikens teen 30 November 2005 aan die nasionale onderwysdepartement moet voorsien.
|
GETEKEN: D.R. SHEPHERD
HOOF: ONDERWYS
DATUM: 2005:08:30
|