1. Vind ingeslote die sertifikate vir die volgende HNKV-oriëntasiekursusse vir opvoeders in u skool:

    • 5-dag-oriëntasiekursus vir Onderwysers van die Grondslagfase

    • 3-dag-oriëntasiekursus vir Skoolbestuurspanne van die Grondslagfase

    • 5-dag-oriëntasiekursus vir Onderwysers van die Intermediêre Fase

    • 2-dag-oriëntasiekursus vir Skoolbestuurspanne van die Intermediêre Fase

    Elke opvoeder se besonderhede is nagegaan aan die hand van die vorms wat deur die skole in Mei 2005 teruggestuur is en alles moontlik is gedoen om te verseker dat die besonderhede op die sertifikate korrek is. Dit is ongelukkig nie moontlik om die besonderhede op die gedrukte sertifikate te verander nie.

2. Slegs opvoeders wat aan die volgende kriteria voldoen het, ontvang sertifikate:

    • Die opvoeder se naam was op die lys vir die oriëntasiekursus wat deur die OBOS ingedien is.

    • Die opvoeder het elke dag van die oriëntasiekursus bygewoon.

    • Die opvoeder het elke dag die bywoningsregister geteken.

3. Indien ‘n opvoeder vir ‘n sertifikaat in aanmerking kom, maar nie een ontvang het nie, dien asseblief die volgende besonderhede skriftelik in by H Visser, Kamer 807, WKOD, Privaatsak X9114, Kaapstad, 8000:

    • Opvoeder se naam, Persalnommer en ID-nommer

    • Opleidingsdatums en opleidingslokaal bygewoon

    • Naam van skool waar die opvoeder klasgegee het ten tye van die HNKV-kursus en die OBOS-distrik van die skool.

4. Indien bogenoemde deur OBOS-amptenare bevestig kan word, sal die opvoeder ‘n sertifikaat ontvang. Indien nie, sal geen sertifikaat uitgereik word nie.


GETEKEN: JP RAULT-SMITH
HOOF: ONDERWYS
DATUM: 2005:08:17