1. ‘N MAANDLANGE FEES VAN LEERGELEENTHEDE

Augustus is die maand van die Lerende Kaap-fees en die WKOD, in samewerking met die Departement van Ekonomiese Ontwikkeling en Toerisme, het sommige geleenthede gedurende hierdie tydperk gereël, insluitende die Loopbaanuitstalling van 2 tot 4 Augustus. Nog ‘n kurrikulumminuut sal binnekort uitgestuur word met besonderhede van die program vir die res van die maand.
2. SEMINAAR VIR LEERDERS OOR DIE BESTUUR VAN DIVERSITEIT - 3 AUGUSTUS
2.1 Die teikengehoor is die skoolprinsipale of lede van die skoolbestuurspan. Professor Salim Vally van die Sentrum vir Onderwysbeleidsontwikkeling aan die Universiteit van die Witwatersrand sal die sessie open deur ‘n paar kernkwelvrae oor aangeleenthede in skole ter tafel te lê, soos byvoorbeeld rassisme en ander problematiese aangeleenthede. Veldspesialiste van die WKOD, ondersteun deur verteenwoordigers van die Menseregtekommissie, sal sommige van die praktiese maatreëls voorhou wat skole gebruik het. Die vloer sal ook oop wees vir skole om hulle kwellings ter tafel te lê en/of om praktiese oplossings met mekaar te deel.
2.2 Die sessie sal van 14:00 - 16:00 duur en sal gehou word in die daktuin (Roof Terrace) van die Kaapstadse Internasionale Konvensiesentrum (KIKS). Sitplek is beperk en skole wat die geleentheid wil bywoon, word versoek om so gou moontlik hul antwoord deur te gee aan Anne Schlebusch by (021) 467 2629 (laat ‘n volledige boodskap op die antwoordmasjien) of faks aan (021) 467 2620 of e-pos aan aschlebusch@pgwc.gov.za
3. Skole word versoek om leerders en ouers aan te moedig om die Leer- en Loopbaanuitstalling by te woon. Die deure sal soggens om 19:00 open en sal om 19:00 op 2 en 3 Augustus en om 17:00 op 4 Augustus sluit. (Sien Omsendminuut DCD/0047/2005 vir besonderhede in verband met die Loopbaanuitstalling en reëlings vir bywoning.)

  1. Onder diegene wat leerdergerigte seminare by die KIKS bywoon, is sekere verteenwoordigers van verteenwoordigende leerlingrade - wat op ‘n klustergrondslag afgevaardig is - en MIV-en-VIGS-opvoerders. Die betrokke skole sal deur die onderskeie bestuurders van hierdie projekte geskakel word.
4. Iziko Museums reël spesiale feestoere vir skole en lesse by die Slawelosie, Kasteel, SA-museum, Bo-Kaap-museum, SA Maritieme Museum en die SA Nasionale Galery. Dit is noodsaaklik om te bespreek. Skole moet met Cindy Ludidi skakel by (021) 481 3823 vir meer inligting.
5. Daar sal kennisgewings in die pers wees oor ander geleenthede. Skole word uitgenooi om die Lerende Kaap-webtuiste te besoek by http://www.learningcape.org vir meer inligting.
6. Prinsipale word versoek om die inhoud van hierdie omsendbrief onder die aandag van alle belanghebbendes te bring.


GETEKEN: AM ATTWELL
HOOF: ONDERWYS
DATUM: 2005:07:25