| 1. |
Vind aangeheg (per OBOS) asseblief die finale lokaal- en skooltoedelingslys vir die VOO-NKV-oriënteringsopleiding.
|
| 2. |
OBOS'e is ook besig om skole in kennis te stel.
|
| 3. |
Geliewe daarop te let dat alle slypskole elke dag om 08:30 tot 16:00 sal duur, behalwe Vrydae waar dit om 13:00 sal afsluit.
|
| 4. |
As gevolg van laat registrasie vir bepaalde vakke, is ‘n aantal lokale bygevoeg en skole hertoegedeel. Neem asseblief kennis van hierdie veranderinge en lig u onderwysers dienooreenkomstig in.
|
| 5. |
Onderwysers word dringend versoek om nie van hierdie reëlings af te wyk nie. Alle bestuurslogistiek is op hierdie toedeling gegrond en, sou onderwysers hiervan afwyk, sal die spyseniering en die verspreiding van vakonderrigmateriaal ernstig ontwrig word.
|
| 6. |
Slegs onderwysers wat amptelik geregistreer en toegedeel is ooreenkomstig die aangehegte lokaalverspreidingslys, sal vakoriënteringsmateriaal ontvang.
|
| 7. |
Indien geregistreerde onderwysers na lokale van hulle eie keuse gaan, sal hulle versoek word om na hulle toegedeelde lokale te gaan.
|
| 8. |
As gevolg van die hoë koste betrokke, sal onderwysers slegs van ligte middagetes voorsien word. Tee en koffie sal soggens en smiddae bedien word.
|
| 9. |
Die aard van die vakoriënteringsprogram vereis dat ‘n onderwyser die hele vyfdag-vakoriënteringswerkswinkel bywoon. Indien dit nie gebeur nie, sal die werkswinkel van baie beperkte professionele waarde wees. Daarbenewens sal onderwysers nie toegelaat word om latere vaksessies by te woon nie, om dieselfde redes as gegee in paragraaf 3.
|
| 10. |
Onderwysers sal vergoed word vir reisonkoste. Dit is dus noodsaaklik dat elke onderwyser die volgende na die werkswinkel sal bring:
|
| 10.1 |
Sy of haar Persal-nommer
|
| 10.2 |
Registrasiebesonderhede van die voertuig wat hy of sy vir vervoer gebruik het
|
| 11. |
Onderwysers wat van openbare vervoer gebruik maak, moet amptelike kwitansies aan hulle eise vir reiskoste heg.
|
| 12. |
Indien onderwysers per taxi reis, moet hulle eise vergesel wees van óf die uitgereikte kwitansies óf ‘n brief van die prinsipaal waarin onkoste aangegaan uiteengesit word. Elke onderwyser moet ‘n afsonderlike geverifieerde eis indien.
|
| 13. |
Die volgende onderwysers sal vir beide reis- en verblyfkoste vergoed word:
|
| 13.1 |
Geregistreerde onderwysers wat vanaf Beaufort-Wes en Murraysburg na Oudtshoorn reis
|
| 13.2 |
Geregistreerde onderwysers vir Dansstudie, Vreemde Tale en Gasvryheidstudie
|
| 14. |
Geen onderwyser sal vir reis- of verblyfonkoste vergoed word indien hy of sy vanaf sy of haar vakansiebestemming na die werkswinkel reis nie.
|
| 15. |
Onderwysers moet al hul eise by hul onderskeie OBOS-hoofkurrikulumadviseurs indien, wat die onkoste wat aangegaan is, sal bestuur.
|
| 16. |
Onderwysers word versoek om die volgende dokumente na die vakoriëntasiewerkswinkels te bring. Hierdie dokumente is by alle skole versprei en sal nie weer deur die WKOD voorsien word nie:
|
| 16.1 |
Die betrokke vakverklaring
|
| 16.2 |
Die RAVO-Beleidshandboek vir Opvoeders (2003)
|
| 16.3 |
Die Konsepwitskrif op E-onderwys (2003)
|
| 16.4 |
Analise van Nuwe Kennis, Vaardighede, Metodologie, IT en Assessering (in 2004 uitgereik aan alle vakonderwysers gedurende die vakomvangswerkswinkels)
|
| 16.5 |
Vakinligtingsgids (in 2004 uitgereik aan alle onderwysers gedurende die vakomvangswerkswinkels)
|
| 17. |
Onderwysers sal die volgende dokumente by die vakoriënteringswerkswinkels ontvang:
|
| 17.1 |
‘n Vakleerprogram-handleidingsdokument
|
| 17.2 |
Afrikaanse weergawes van die vakverklarings
|
| 17.3 |
‘n Vakdeelnemer se handleiding
|
| 17.4 |
‘n Vakwerkswinkel-hulpbronpak (Dit sal in Afrikaans vertaal word en gedurende die derde kwartaal versprei word.)
|
GETEKEN: D.R. SHEPHERD
HOOF: ONDERWYS
DATUM: 2005:06:15
|