| 2. |
Die Hersiene Nasionale Kurrikulumverklaring (HNKV) sal in 2006 in graad 7 geïmplementeer word. Opleidingskursusse vir graad 7-onderwysers by openbare en onafhanklike skole sal in elke OBOS van 11 tot 15 Julie gedurende die skoolvakansie aangebied word.
|
| 3. |
U word aan die volgende herinner :
Die program is ontwerp om te voorsien in die behoeftes van graad 7-onderwysers wat nie voorheen WKOD HNKV-opleiding ondergaan het nie. Daar word alleenlik van onderwysers wat bywoning bevestig het deur voorafregistrasie verwag om dit by te woon. (Hierdie prosedure was nodig vir beplanningsdoeleindes.) As gevolg van begrotingsbeperkings sal slegs tee aangebied word. Deelnemers word versoek om ‘n verpakte middagete saam te bring. Reiseise deur opvoeders wat deur die WKOD besoldig word, moet volledig voltooi word by die werkswinkel. Deelnemers word versoek om die dokumentasie soos aangedui in paragraaf 5, asook ‘n pen en skryfpapier saam te bring. Prinsipale word daaraan herinner dat, aangesien die fokus op beplanning is, dit voordelig sal wees vir onderwysers van dieselfde skool om opleiding by dieselfde opleidingsplek te ondergaan.
|
| 4. |
Sertifikate van bywoning sal te gelegener tyd aan onderwysers toegeken word
wat bewys lewer van hulle Persalnommers (WKOD-werknemers) of ID-nommers (SBL-werknemers), bv. deur ‘n fotokopie van ‘n salarisadviesvorm of ID-dokument saam te bring. wat vir die volle duur van die kursus teenwoordig is en daagliks die teenwoordigheidsregister teken.
|
| 5. |
Om maksimum waarde uit hierdie werkswinkel te haal, word onderwysers ernstig versoek om die volgende dokumente deur te lees :
die Overview of the Revised National Curriculum Statement (Beleid) Die Leerareaverklaring (Beleid) vir die leerprogram wat hulle sal ontwikkel ; en die Onderwysersgids vir die Ontwikkeling van Leerprogramme vir die leerprogram wat hulle sal ontwikkel.
Onderwysers moet die hierdie dokumente sowel as die volgende saambring na die kursus in Julie.
Die WKOD se spesifieke leerarea se Bronmateriaal: Die Leerareaverklaring (Beleid) vir die leerprogram wat hulle sal ontwikkel. Hierdie dokumente is deur die OBOS’e uitgedeel tydens middagwerkwinkels gedurende die tweede kwartaal – behalwe by OBOS-Oos waar hulle by die Julie-kursus voorsien sal word. die WKOD se Senior Fase Learning Programme Exemplar vir die leerprogram wat hulle sal ontwikkel ; hulle afskrif van die RAVO-lêer (aan elke onderwyser voorsien) ; en hulle kopie van die WKOD se Inclusive Curriculum Resource File (aan elke skool voorsien).
Vir vinnige naslaandoeleindes is ‘n kopie van die buiteblaaie van hierdie dokumente in Bylae A verskaf.
|
| 6. |
Prinsipale word aangeraai om ‘n personeelwerkswinkel te hou voor die Julie-kursus om onderwysers te oriënteer t.o.v. die HNKV. Die aangehegte PowerPoint-aanbieding (Bylae B) mag gebruik word – in gedrukte, OHP-, skyfie- of elektroniese formaat.
|
| 7. |
Gedurende die Julie-kursus sal elke onderwyser daaraan werk om ‘n leerprogram, ‘n werkskedule en lesplanvoorbeelde te ontwikkel saam met assesseringstake vir ‘n spesisifke leerarea. Prinsipale word versoek om te reël dat elke onderwyser van hulle skool vir die beplanningsessies by die kursus by ‘n verskillende leerareagroep inskakel.
|
| 8. |
Na die Julie-kursus sal elke skool sy beplanning vir 2006 vir al agt die leerareas voortsit. ‘n Kort sessie sal gedurende die kursus gehou word waartydens onderwysers klustergroepe kan reël om mekaar te help om die beplanning te voltooi. Die prinsipaal word versoek om tyd te maak vir hierdie groepe om gedurende die 3de kwartaal te vergader. Dit sou die vorm kon aanneem van ‘n personeelvergadering vroeg in die 3de kwartaal en die agenda sou die volgende kon insluit :
|
| 9. |
Die HNKV –beplanningstaak vir gr 7
‘n beplanningsoudit – watter beplanning by die kursus gedoen is en watter beplanning nog gedoen moet word. die reël van klusters wat met ander skole gevorm word die pad vorentoe (toewysing van beplanningstake en datums vir voltooiing, bronne benodig, hoe die SBS kan seker kan maak van die gehalte van die beplanning en belangrike assesseringstake kan versprei, hoe ouers ingelig gaan word) Van alle skole word vereis dat hulle leerprogramme en werkskedules vir al agt die leerareas teen 16 September 2005 voltooi moet wees. Die kontrolelys in Bylae C kan gebruik word om te help met die ontwikkeling van planne van gehalte. Die prinsipaal sal ‘n leidende rol speel in die bestuur van hierdie kurrikulumtaak sodat die planne die konteks van die skool sal pas. OBOS’e sal opvolgondersteuning bied waar nodig Skole word aangeraai om die hoofkurrikulumadviseur van hulle OBOS betyds in kennis te stel van enige spesifieke behoeftes.
|
| 10. |
Na 16 September sal die OBOS’e voltooide planne van ‘n ewekansige seleksie van skole aanvra vir doeleindes van gehalteversekering. Skole sal versoek word om aan die WKOD ‘n aanduiding te gee van hoe gereed hulle is om die HNKV in graad 7 in 2006 te implementeer. Die OBOS’e sal skole vooraf waarsku indien hulle hulle planne moet voorlê.
|
| 11. |
Die suksesvolle implementering van die HNKV in graad 7 in 2006 hang af van baie faktore, en die belangrikste hiervan is die onderwysers self. Die Julie-oriënteringskursus is ontwerp om onderwysers te help om die leeraksie en assessering te beplan wat sal aanpas by die konteks van hulle eie klaskamers. Graad 7-onderwysers wat die kursus bywoon, word dringend versoek om voorbereid te kom en ten volle gebruik te maak van hierdie geleentheid. |
GETEKEN: J.P. RAULT-SMITH
HOOF: ONDERWYS
DATUM: 2005:06:02
|