1. Die nuwe Beleidsdokument vir VOO (Algemeen) is op Dinsdag, 24 Mei 2005 vir openbare kommentaar in die Regeringskoerant nommer 27607 gepubliseer en dit kan van die Staatsdrukkers in Kaapstad verkry word. Die dokument verskyn [het verskyn (22-06-2006)] op die webtuiste van die Nasionale Onderwysdepartement: (Documents/legislation/comments) (http://www.education.gov.za/content/documents/663.pdf). Dit is ook op die webtuiste van die Wes-Kaap Onderwysdepartement (http://curriculum.wcape.school.za).
2. Die sluitingsdatum vir kommentaar is 17 Junie 2005. Skole word aangeraai om hierdie dokument noukeurig te lees en te bespreek en gebruik te maak van die geleentheid om openbare kommentaar te lewer. U individuele en groepskommentaar – wat direk gestuur moet word aan die Nasionale Onderwysdepartement – sal almal waardevol wees.
3. Die WKOD sal ook ‘n formele respons voorlê en sal dit waardeer indien u die Direktoraat Kurrikulum sal voorsien van ‘n afskrif van u kommentaar, aangesien dit ‘n bydrae tot sy aanbieding sal maak. U word genooi om ‘n afskrif van u kommentaar voor 14 Junie 2005 na Anne Schlebusch (aschlebusch@pgwc.gov.za) te e-pos.
4. Verdere navrae kan gerig word aan die hoofkurrikulumadviseurs of direkteure by u OBOS’e.
5. Prinsipale word versoek om hierdie omsendbrief se inhoud onder alle betrokkenes se aandag te bring.


GETEKEN: J.P. RAULT-SMITH
HOOF: ONDERWYS
DATUM: 2005:05:30