| 1. |
Die Wes-Kaap Onderwysdepartement (WKOD) voorsien Wiskundehoofrekene-blaaiboeke vir elke klasonderwyser van graad R tot graad 6 in openbare gewone en spesiale skole met Grondslag- en Intermedięre Fase-leerders.
|
| 2. |
Hoofrekene het betrekking op die vermoë om in die kop berekeninge te doen. Die Hersiene Nasionale Kurrikulumverklaring vir die Wiskunde-leerarea stipuleer dat leerders “hoofrekenevaardighede moet oefen en opskerp”. ‘n Deel van die WKOD se Syfervaardigheidstrategie om syfervaardigheidsvlakke van leerders in die Wes-Kaap te verhoog, is om 10 minute per dag se hoofrekene, toepaslik aangewend met betrekking tot die ouderdomme en ontwikkelingstadiums van die leerders, te bevorder. Daar word voorsien dat hierdie blaaiboeke die leerders in hierdie verband sal help.
|
| 3. |
Elke Wiskundehoofrekene-blaaiboek is in die vorm van ‘n tafelkalender wat op sy eie kan staan. Die blaaiboek bestaan uit 150 hoofrekenaktiwiteite, d.w.s. een per dag (graad R het 100 aktiwiteite), wat hoofsaaklik op Wiskunde-leeruitkomste 1 en 2 fokus. Elke daaglikse aktiwiteit verwys na die betrokke assesseringstandaard(e) en sommige strategieë wat die onderwyser kan gebruik om die aktiwiteit te onderrig. Die aktiwiteite is gegroepeer volgens sekere begrippe en is beplan om vooruitgang te fasiliteer. Daar word dus voorgestel dat hulle gevolg moet word in die volgorde wat hulle gegee is.
|
| 4. |
Ten einde egter billik en toepaslik te wees, moet hoofrekene-oefeninge voorafgaande leer bevestig en vaslę. Die onderwyser moes dus die begrippe waarna in die daaglikse aktiwiteit verwys word vooraf reeds bekendgestel en onderrig het.
|
| 5. |
Hoofrekene moet ingeskryf word by die Syfervaardigheid/Wiskunde-leerprogram en werkskedule en as ‘n daaglikse hoofrekene-oefening figureer. Die betrokke aktiwiteit/bladsynommer van die blaaiboek moet in die onderwyser se lesplan opgeskryf word.
|
| 6. |
Die pas waarteen ‘n aktiwiteit deurgewerk word, sal wissel van klas tot klas. Wanneer ‘n aktiwiteit te kort lyk, kan die onderwyser besluit om meer vrae by te voeg. Wanneer dit lyk asof ‘n aktiwiteit te moeilik is vir baie van die leerders, moet die onderwyser die begrippe hersien wat vereis word vir die aktiwiteit. Die aktiwiteit kan vereenvoudig word of vorige aktiwiteite kan herhaal word totdat die begrippe verstaan word. Die onderwyser moet egter te alle tye bewus wees van die individuele leerders se vordering met die aktiwiteite en moet ondersteuning verleen aan diegene wat sukkel om by te hou.
|
| 7. |
AFLEWERING VAN HOOFREKENE-BLAAIBOEKE
|
| 7.1 |
Aflewering by werkswinkels
|
| 7.1.1 |
Middagwerkswinkels sal vanaf 18 tot 29 Julie by verskeie lokale in elke OBOS gehou word.
|
| 7.1.2 |
Die OBOS sal die datum en plek vir elke skool se werkswinkel teen 24 Junie aankondig.
|
| 7.1.3 |
Die diensverskaffer sal elke skool se pakket met die Hoofrekene-blaaiboeke by die werkswinkel uitdeel.
|
| 7.1.4 |
Die diensverskaffer sal die ontwerp van die boeke verduidelik en demostreer hoe die boeke gebruik moet word.
|
| 7.1.5 |
Elke skool sal uitgenooi word om twee onderwysers, een vir die Grondslagfase en een vir die Intermedięre Fase, na ‘n aangewese werkswinkel te stuur. Die prinsipaal moet een van die onderwysers aanwys om die skool se pakket in ontvangs te neem.
|
| 7.1.6 |
By die werkswinkel moet die volgende proses gevolg word:
| (a) |
Gaan die adres op die pakket na. Aanvaar slegs ontvangs van die pakket indien u skool se adres op die geleibrief verskyn.
|
| (b) |
Gaan na dat die aantal Hoofrekene-blaaiboeke in die pakket dieselfde is as die getal wat op die afleweringsvorm gedruk is.
|
| (c) |
Indien enige van die Hoofrekene-blaaiboeke beskadig is, bv. die draadrugsteun is gebuig, moet die geleibrief nie geteken word nie en moet die blaaiboeke nie in ontvangs geneem word nie.
|
| (e) |
Die geleibrief moet geteken en gedateer word deur die onderwyser, en sy of haar naam en ID-nommer moet onderaan in drukskrif geskryf word. Die foonnommer van die skool moet voorsien word.
|
|
| 7.2 |
Aflewering by skole
Indien die pakket by die skool afgelewer word, moet die volgende proses gevolg word:
| (a) |
‘n Lid van die skool se Skoolbestuurspan (SBS) moet die boeke in ontvangs neem.
|
| (b) |
Gaan die adres op die pakket na. Aanvaar slegs ontvangs indien u skool se adres op die geleibrief verskyn.
|
| (c) |
Gaan na dat die aantal Hoofrekene-blaaiboeke in die pakket dieselfde is as die getal wat op die afleweringsvorm gedruk is.
|
| (d) |
Indien enige van die Hoofrekene-blaaiboeke beskadig is, bv. die draadrugsteun is gebuig, moet die geleibrief nie geteken word nie en moet die blaaiboeke nie in ontvangs geneem word nie.
|
| (e) |
Die geleibrief moet geteken en gedateer word deur ‘n lid van die SBS en sy of haar naam en ID-nommer moet in drukskrif onderaan aangebring word.
|
| (f) |
Die telefoonnommer van die skool moet voorsien word en die skoolstempel moet op die geleibrief aangebring word.
|
|
| 8. |
Die stof wat in die Wiskundehoofrekene-blaaiboeke is, is elektronies beskikbaar as ‘n PowerPoint-aanbieding op die bogenoemde webtuiste, nadat die skool as ‘n gebruiker geregistreer het. (Geen registrasiegeld is betaalbaar nie.) ‘n Weeklikse uitdagingsoefening vir leerders kan ook van die webtuiste afgelaai word.
|
| 9. |
Die blaaiboeke sal uitgereik word aan onderwysers maar hulle bly die eiendom van die skool en moet verantwoordelik deur die SBS bestuur word.
|
| 10. |
Die WKOD vertrou dat onderwysers ten volle gebruik sal maak van hierdie gebruikersvriendelike bron om die leerders se wiskundige hoofrekenvaardighede te verbeter.
|
GETEKEN: B.K. SCHREUDER
HOOF: ONDERWYS
DATUM: 2005:06:22
|