| 2. |
Eksamens sal 'n aanvang neem met die skryf van die vraestelle vir Afrikaans Eerste Taal en die Afrikatale Eerste Taal wat deur die WKOD aangebied word. Aangesien die Departement voorsiening moet maak vir drie godsdienstige vakansiedae – vir Joodse, Moslem- en Hindoekandidate – oorskrei die Senior Sertifikaat-rooster vanjaar die normale 6-weke periode.
|
| 3. |
Die datums waarop sekere eksamenvraestelle geskryf sal word is deur die Nasionale Onderwysdepartement (DvO) bepaal en is nie aan verandering onderworpe nie, behalwe met nasionale konsensus. Hierdie vraestelle is die ses nasionale vakke, (Rekeningkunde HG en SG, Biologie HG en SG, Engels Tweede (Eerste Addisionele) Taal HG en SG, Geskiedenis HG en SG, Wiskunde HG en SG en Natuur- en Skeikunde HG en SG), sowel as vyf vakke wat gewild is by kandidate, nl. Aardrykskunde HG en SG, Bedryfsekonomie HG en SG, Ekonomie HG en SG, Landbouwetenskap HG en SG en Afrikaans Tweede Taal HG en SG.
|
| 4. |
Vakke wat op die aangehegte rooster as SG aangedui word, word slegs op standaardgraad aangebied. Vakke in die boonste gedeelte van elke blok word in die oggend en dié in die onderste gedeelte in die namiddag geskryf.
|
| 5. |
Waar moontlik sal die WKOD ook probeer om kandidate wat ook inskryf vir sekere vakke wat deur die DvO (N-vakke) en ander eksaminerende liggame, bv. die Onafhanklike Eksamineringsraad (OER) geëksamineer word, tegemoet te kom. Voorkeur sal egter gegee word aan kandidate wat WKOD-vraestelle skryf.
|
| 6. |
Skoolhoofde word versoek om die WKOD (Die Hoof: Onderwys (Vir aandag mnr TJ Magwaca), Wes-Kaap Onderwysdepartement, Privaatsak X9114, Kaapstad, 8000 of per faks aan mnr TJ Magwaca by (021 467 2620) skriftelik voor Vrydag 24 Junie 2005 te verwittig van enige botsings in die rooster of van vakke wat moontlik uitgelaat is. Indien die prinsipaal versoek dat ‘n vak of vraestel van die gespesifiseerde datum verskuif moet word, moet hy of sy ‘n datum voorstel waarop daardie vak of vraestel geskryf moet word. Die verskuiwing van 'n vak sal egter slegs oorweeg word indien dit nie 'n negatiewe uitwerking op die meerderheid van die kandidate wat daardeur geraak word, sal hê nie.
|
| 7. |
Die praktiese komponente van die eksamens vir Rekenaarstudie HG en SG val binne die amptelike eksamentydperk.
|
| 8. |
Eksamendatums vir vakke wat by WKOD-onderwysinrigtings onderrig word, maar geëksamineer word deur ander eksaminerende liggame, sal later bepaal word. Dit kan aanpassings aan die rooster noodsaak.
|
| 9. |
Daar moet in gedagte gehou word dat hierdie 'n voorlopige rooster is wat aan verandering onderworpe is. Die finale eksamenrooster sal teen die einde van die derde kwartaal, na afloop van die aanvanklike verwerking van die eksameninskrywings, aan alle inrigtings gestuur word.
|
| 10. |
Skoolhoofde word versoek om alle Senior Sertifikaat-kandidate in kennis te stel dat hulle tot op die laaste dag van die 4de skoolkwartaal beskikbaar moet wees ingeval dit nodig mag wees om die skryf van 'n bepaalde eksamenvraestel te herskeduleer.
|
GETEKEN: B.K. SCHREUDER
HOOF: ONDERWYS
DATUM: 2005:06:06
|