| 2. |
Gedurende die nasienproses in Desember is die punte wat deur elke kandidaat in elke vraag in elke vraestel behaal is, vasgelê ten einde die WKOD in staat te stel om hierdie analise aan elke skool te voorsien, en om moontlike foute soos wanneer kandidate te veel vrae of 'n foutiewe kombinasie van vrae beantwoord, te identifiseer. |
| 3. |
Hierdie provinsiale statistieke sal deur eksamineringspanele benut word om die gehalte en toepaslikheid van elk van die vrae en die algemene standaard van die vraestelle te assesseer. |
| 4. |
Die statistieke behoort ook skoolhoofde van nut te wees in hulle taak om die gehalte van die werk wat in hulle skole gedoen word, te verseker. Skoolhoofde word aangeraai om afskrifte van die statistieke te maak, een afskrif vir eie gebruik te behou, en 'n afskrif aan elke vakhoof of onderwyser verantwoordelik vir die vak in hulle skole te gee. |
| 5. |
Hierdie statistieke dui die volgende ten opsigte van individuele skole aan:
Die persentasie bo of onder die provinsiale gemiddeld wat sy kandidate vir elke vraag behaal het. ’n Positiewe syfer toon aan dat die gemiddelde persentasie bo die provinsiale gemiddeld was, terwyl ’n negatiewe syfer daarop dui dat u skool se gemiddelde persentasie onder die provinsiale gemiddeld is. Die getal kandidate wat daardie betrokke vraag aangepak het Die afwyking in die gemiddelde persentasie tussen wat die kandidate vir die vraestel as 'n geheel behaal het en die gemiddeld vir die provinsie. Dit verskyn in die laaste kolom. 'n Aanduiding van watter afdelings van die sillabus goed beantwoord is, watter uitgelaat is, en watter swak beantwoord is.
|
| 6. |
Die onderwysers wat by elke vak betrokke is, moet die statistieke onderling bespreek, sterk en swak punte identifiseer, en hierdie inligting gebruik om ’n aksieplan vir die vak vir die komende jaar op te stel. |
| 7. |
Waar ernstige probleme in ’n vak geïdentifiseer word, moet vakhoofde die kurrikulumadviseurs om hulp nader. Hulle word ook aangemoedig om saam met hulle opvoeders betrokke te raak by vakgroeperings in hulle streek, en om die betrokke kurrikulumadviseurs te help om werkswinkels te reël om afdelings van die sillabus waarin ’n aantal skole sleg gevaar het, te dek. Waar dieselfde afdelings uitgewys is as baie goed beantwoord deur 'n spesifieke skool, kan vakhoofde onderwysers identifiseer as aanbieders van hierdie werkswinkels. |
| 8. |
Die WKOD vertrou dat skoolhoofde en onderwysers sal baat by hierdie statistieke en dat dit sal bydra tot die verbetering van die gehalte van onderrig en leer in die Wes-Kaap. |
GETEKEN: J.P. RAULT-SMITH
HOOF: ONDERWYS
DATUM: 2005:01:19
|