1. "DIE SKEP VAN ‘N LEERTUISTE VIR ALMAL: DIE ROL VAN DIE SKOLE SE VOO-KURRIKULUM"

Die Wes-Kaap Onderwysdepartement (WKOD) kondig met trots aan dat ‘n prinsipalekonferensie gehou sal word op 11 Junie 2005 vir prinsipale van skole wat die VOO-sertifikaat sal aanbied.

1.1 Die konferensie word gehou by Northlink Kollege, (Panorama-kampus) wat naby die N1-hoofweg en oorkant die Panorama Medikliniek in Rothschild Boulevard geleë (sien aangehegte kaart).
1.2 Registrasie sal plaasvind op die dag van die opening van die konferensie vanaf 09:00 tot die opening van die konferensie om 10:00. Die konferensie sal om 15:00 sluit.
1.3 ‘n Konsep van die konferensieprogram is aangeheg. ‘n Bygewerkte weergawe sal binnekort op die konferensie se webtuiste verskyn.
2. DOELWIT EN OMVANG VAN DIE KONFERENSIE

Die program is hoofsaaklik ontwerp om ‘n forum te skep vir informele uitruil van inligting, alhoewel daar tyd vir vrae sal wees. Ons is by ‘n kritieke tydperk van die implementeringsproses en dus is dit noodsaaklik dat alle skole duidelik begryp wat die nasionale planne, voldoeningsvereistes, provinsiale planne, tydlyne en finansierings-opsies is. Die konferensie sal die rol van provinsiale oriëntasie in die Junie-Julievakansie uiteensit en die grondslag vir OBOS-sessies in die derde kwartaal lê.

3. KOSTE

‘n Reissubsidie is op versoek beskikbaar. Waar moontlik word afgevaardigdes aangemoedig om saam te reis om onkoste te bespaar.

4. REGISTRASIE Prinsipale wat van plan is om dit by te woon, moet teen 3 Junie 2005 registreer.

Aanlyn-registrasie behoort die norm te wees.  Sien die VOO (skole-) webbladsy in die kurrikulumwebtuiste by http://curriculum.wcape.school.za.

Alternatiewelik kan die aangehegte vorm gefaks word aan 021 467 2258, vir aandag Me. J. Malies.
5. VERDERE NAVRAE Verdere navrae kan gerig word aan die hoofkurrikulumadviseurs of OBOS-direkteure. Theo Smit (Hoofkantoor) kan gekontak word by tel. 021 467 2629/2585, of per e-pos by Theo Smit (mailto:tcessmit@pgwc.gov.za).


GETEKEN: T. SMIT
HOOF: ONDERWYS
DATUM: 2005:05:11

Padkaart  (grootte: 10 KB)
Program  (grootte: 7 KB)
Registrasie vorm  (grootte: 7 KB)