| 1. |
Die Wes-Kaap Onderwysdepartement (WKOD) sal 'n gemeenskaplike eksamen vir vlak 3, soos aangedui in Omsendbrief 018/2005, aanbied. Die eksamen sal dien as `n ontwikkelingsproses om leerders in staat te stel om hulleself toe te rus met die vaardighede wat benodig word om 'n formele eksterne eksamen te kan skryf. Alle geregistreerde WKOD-GLS'e word dus versoek om hulle leerders toe te laat om hierdie eksamen in die leerarea van hulle keuse te skryf. |
| 2. |
Sentrumbestuurders word versoek om 'n registrasiedatavorm (kopie ingesluit) te voltooi vir elke leerder wat hierdie eksamen gaan skryf. Die sentrum datavorm moet ook voltooi word. Die vorms, waarop die sentrum se adres en kontaknommers ook verskaf moet word, moet Hoofkantoor teen nie later nie as 23 Junie 2005 bereik. Let daarop dat vraestelle slegs voorsien sal word aan sentrums wat hulle leerders teen die vervaldatum geregistreer het. |
| 3.1 |
Die gemeenskaplike eksamen sal intern by elke sentrum nagesien word. |
| 3.2 |
Die finale eksamenpunt, saam met die sentrum-gebaseerde assesseringspunt, sal as `n persentasie aangedui word op die finale punteskedule wat die eksamenvraestelle later vanjaar sal vergesel. |
| 3.3 |
Sentrums sal verantwoordelik wees vir die voorsiening van finale verslae vir 2005 aan hulle leerders. |
| 3.4 |
BOOV-kurrikulumadviseurs sal die finale leerareauitslae modereer en goedkeur. |
| 3.5 |
`n Afskrif van die goedgekeurde finale punteskedule moet aan Hoofkantoor gestuur word om die WKOD in staat te stel om in 2006 uitslagadviese (sertifikate) aan sentrums te stuur. |
GETEKEN: D.R. SHEPHERD
HOOF: ONDERWYS
DATUM: 2005:05:11
|