1. Hierdie jaar sal die jaarlikse Nasionale Wetenskapweek, wat in 2000 ingestel is, vanaf 7 Mei tot 11 Mei 2005 in al 9 provinsies gehou word. Dit word deur die Departement van Wetenskap en Tegnologie (DWT) geborg en deur die Minister van Onderwys en die LUK vir die Wes-Kaap ondersteun.
2. Die Wes-Kaap Onderwysdepartement (WKOD) verleen sy volle steun aan die aktiwiteite wat in die Wes-Kaap onderneem sal word ten einde die volgende doelwitte te bereik:

  • Om ‘n bewustheid te skep van die belangrike rol wat wetenskap in mense se daaglikse lewens speel

  • Om jongmense aan te moedig om dit te oorweeg om te studeer en hulle prestasie in wiskunde en wetenskap te verbeter

  • Om meer jongmense te lok na loopbane wat met wetenskap, ingenieurswese en tegnologie (WIT) te make het
3. Skole word versoek om gebruik te maak van die geleenthede wat voorsien word by die drie sentrums in die Wes-Kaap (verwys asseblief na die volgende tabel) wat geteiken is vir aktiwiteite gedurende die Wetenskapweek. Hierdie sentrums kan geskakel word om besoeke en moontlik vervoer, indien beskikbaar, te reël.
Naam van SentrumTeikengroepAktiwiteiteKontakbesonderhede
MTN ScienCentre Century City KaapstadGrade R tot 12 leerders, opvoeders en publiekWye verskeidenheid werkwinkels, praatjies, wetenskapvertonings, uitstappies, demonstrasies en wetenskapteaterRidley Esbie
Vanessa Bolters
Tel: 021 529 8100
Faks: 021 529 8179
Hermanus Magnetiese Observatorium, Hermanusleerders, opvoeders en publiekOpe dae, lesings, seminare, leerder-kompetisies, rolmodelspel, uitreik na skole, opvoederwerk-winkels en wetenskapuitstallingsE. Fraser
Tel: 028 312 1196
Faks: 028 312 2039
IThemba-laboratoriums, Somerset-Wesleerders, opvoeders en publiekOpe dae, uitreik, wetenskap-uitstallings, loopbaanekspo en opvoederwerkwinkelsG. Stone
Tel: 021 843 1113
Faks: 021 843 3525

4. Skole word versoek om tydens daardie week wetenskapaktiwiteite by die skool te beklemtoon deur, byvoorbeeld,

  • ‘n ope dag vir wetenskap by die skool te reël.

  • plaaslike wetenskaplikes te nooi om met leerders te kom praat.

  • op wiskunde-, wetenskap- en tegnologie-verwante loopbane te fokus.

  • personeel in te lig aangaande die Inheemse Kennisstelselbeleid (Indigenous Knowledge System policy) wat in Maart 2005 in die Staatskoerant verskyn het. Hierdie beleid is beskikbaar op die webtuiste: http://curriculum.wcape.school.za (Gaan na Useful Links (regterkantse kolom) en kliek op Indigenous Knowledge Systems  [grootte: 837 KB] ).
5. Skole sal mettertyd promosiemateriaal van die Suid-Afrikaanse Agentskap vir die Bevordering van Wetenskap en Tegnologie (SAABWT) ontvang.


GETEKEN: M.J. CAMERON
HOOF: ONDERWYS
DATUM: 2005:04:28