| 1. |
Alle OBOS’e het Hoofkantoor voorsien van ‘n lys name van onderwysers wat die HNKV-kursusse in 2003 en 2004 bygewoon het. Skole is gevolglik, in Kurrikulumminuut DCD/0007/2005, gevra om die name van dié onderwysers wat die HNKV-kursus bygewoon het, te voorsien. Toe die skole geantwoord het, is hulle lyste met dié van die OBOS’e vergelyk en die volgende teenstrydighede is opgemerk:
Sekere skole verskyn nie op die OBOS’e se lyste nie. Die name van sekere van die onderwysers wat op die skole se lyste verskyn, verskyn nie op die OBOS’e se lyste nie.
Om die waarheid te sê, die meeste van die skole se lyste kom nie ooreen met die lyste van hulle bepaalde OBOS nie.
|
| 2. |
OBOS’e moet kennis neem dat sertifikate nie uitgereik sal word aan onderwysers wie se name nie op die OBOS’e se lyste verskyn nie. Enige navrae vanaf die skole sal deur die betrokke OBOS’e hanteer moet word. |
| 3. |
Elke OBOS-beampte wat navrae aangaande HNKV-kursussertifikate gaan hanteer, moet sy of haar skakelbesonderhede teen 16 Mei 2005 aan me Hazel Visser voorsien by faksnommer 467 2258 of per e-pos by H. Visser (hvisser@pgwc.gov.za). Me. Visser sal dan reël om elke beampte te ontmoet ten einde die bywoningsverifikasieproses te verduidelik wat nou deur die OBOS gevolg sal moet word en om afskrifte te oorhandig van lyste van daardie OBOS se skole wat by Hoofkantoor ingedien is. |
| 4. |
Indien ‘n OBOS bewys van bywoning het van enige onderwyser wat nie op die lys aangedui word as ‘n persoon wat ‘n sertifikaat sal ontvang nie, moet dit teen 27 Mei 2005 reggestel word by me Hazel Visser. ‘n Afskrif van die betrokke bywoningsregisters sal in sulke gevalle vereis word. Daarna sal alle navrae aangaande sertifikate na die betrokke OBOS-skakelpersoon verwys word. |
| 5. |
Vind asseblief aangeheg die volgende:
|
| 6. |
U samewerking sal waardeer word. |
GETEKEN: J.P. RAULT-SMITH
HOOF: ONDERWYS
DATUM: 2005:04:29
|