| 1. |
Gedurende 2005 sal skole gereedmaak vir die bekendstelling van die Hersiene Nasionale Kurrikulumverklaring (HNKV) in graad 7 wat vanaf Januarie 2006 sal loop. Voorbeelde van beplanningsdokumente is opgestel om onderwysers te help. Die dokumente is nie beleidsdokumente nie, maar bedoel om te demonstreer. Hulle is onvolledige modelle van hoe om te beplan omdat die skool se eie konteks, wat in die beplanning ingesluit moet word, ontbreek.
|
| 2. |
Leerprogramvoorbeelde vir die agt leerareas in die Senior Fase is ingesluit. Hulle is deur kurrikulumbeamptes en praktiserende onderwysers ontwikkel en dek al die vereiste leeruitkomste en assesseringstandaarde vir elke besondere leerarea.
|
| 3. |
Die programme is ontwikkel vir die volgende tale en vlakke: Afrikaans Huistaal, Afrikaans Eerste Addisionele Taal, Afrikaans Tweede Addisionele Taal, Engels Huistaal, Engels Eerste Addisionele Taal, Xhosa Huistaal en Xhosa Tweede Addisionele Taal. Daarbenewens moet 'n leerprogramvoorbeeld vir Xhosa Eerste Addisionele Taal ontwikkel word om skole in staat te stel om voorsiening te maak vir Xhosa-sprekende leerders wie se skole nie Xhosa Huistaal aanbied nie.
|
| 4. |
Hierdie leerprogramvoorbeelde word aan skole verskaf volgens die skool se medium van onderrig.
|
| 5. |
Prinsipale word versoek om seker te maak dat graad 7-onderwysers wat die HNKV-kursus van 11 tot 15 Julie bywoon hierdie voorbeelddokumente saambring. Tydens die Julie-kursus sal hierdie voorbeelde vir elke onderwyser aangepas word ooreenkomstig die konteks van sy of haar skool. Die werkskedules vir gebruik in 2006 sal ontwikkel word vanaf hierdie aangepaste dokumente. Elke onderwyser wat die kursus bywoon, sal 'n werkskedule vir ten minste een leerarea voorberei. Om die effektiwiteit en gehalte van die Julie HNKV-oriënteringsopleiding te verseker, is dit baie belangrik dat onderwysers hulleself vooraf vertroud sal maak met die HNKV-dokumentasie (Oorsig en Leerareaverklarings), aangesien die kursus nie baie tyd kan spandeer aan die verduideliking van spesifieke leerareas nie.
|
| 6. |
Skole wat addisionele afskrifte van die leerprogramvoorbeelde benodig, mag dit teen kosprys bestel vanaf Edumedia, deur gebruik te maak van die meegaande vorm.
|
| 7. |
Vir die ontwikkeling van werkskedules by die Julie-kursus sal dit nodig wees vir onderwysers om 'n deeglike kennis van die inhoud van ten minste een leerarea te hê. Gedurende die tweede kwartaal sal kurrikulumadviseurs werkwinkels in die middae aanbied om onderwysers te help om die inhoud van elke leerarea te leer ken en verstaan. Hierdie sogenaamde 'ontledingswerkwinkels' sal deur die OBOS'e gereël word. Onderwysers word aangemoedig om die werkwinkels te benut om hulleself vir die implementering van die HNKV in 2006 voor te berei.
|
GETEKEN: J.P. RAULT-SMITH
HOOF: ONDERWYS
DATUM: 2005:04:15
|