| 1. |
Die Geografiese Inligtingstelsels (GIS)-bewustheidsweekuitstalling 2005 is ‘n gesamentlike projek van die Geografiese Inligtingstelselvereniging van Suid-Afrika (GISSA) in die Wes-Kaap en die Wes-Kaap Onderwysdepartement (WKOD). |
| 2. |
Die GIS-bewustheidsweekuitstalling 2005 sal plaasvind vanaf 10 tot 12 Mei 2005 en sal die gebruik van tegnologie in die Aardrykskundeklas beklemtoon, en opleidings- en ontwikkelingshulpbronne en dienste in die Wes-Kaap aantoon. |
| 3. |
Die GIS-bewusheidsweekuitstalling 2005, wat nou vir die tweede jaar aangebied word, beloof om groter en meer vernuwend te wees. Verskeie opwindende temas en geleenthede om huidige uitdagings en ontwikkelings in die Aardrykskundeklas te ondersoek, sal gebied word. |
| 4. |
Volledige programbesonderhede kan op die
WKOD se Kurrikulumwebtuiste (http://curriculum.wcape.school.za)
en die
Aardrykskundewebtuiste (VOO) (http://curriculum.wcape.school.za/site/39/page/view/)
verkry word.
Plakkate wat besonderhede van al die gebeure sal verskaf, sal onder skole versprei word. Daarbenewens sal die media artikels en advertensies publiseer wat op die GIS-bewustheidsweek van toepassing is. |
| 5. |
Die GIS-bewustheidsweekuitstalling 2005 is die eerste van sy soort in die provinsie en sal saamval met die loods van die nuwe VOO-NKV-Aardrykskundekurrikulum. |
| 6. |
Die uitstalling sal by Bloemhofsentrum in Bloemhofweg, Bellville, gehou word en sal ‘n algemene bewustheidsprogram van seminare en ander aktiwiteite insluit. Sessies gedurende die bewustheidsweek sal veral vir opvoeders van groot belang wees, maar skole word ook aangemoedig om ouers en leerders uit te nooi om die week by te woon sodat hulle in ‘n posisie sal wees om beter studie- en loopbaankeuses te maak. |
| 6.1 |
Uitstallers sal toegang tot inligting voorsien oor alle aspekte van GIS-onderrig en -leer, opleiding en ontwikkeling, deur die nuutste kursusse, kursusmateriaal, opvoedkundige sagteware, leer- en onderrigondersteuningsmateriaal, -tegnieke en -metodologieë uit te stal. |
| 6.2 |
Die deelname van opvoeders, afrigters, vaardigheidsontwikkelingspraktisyns en -fasiliteerders aan die program sal verseker dat hulle aan nasionale en internasionale strominge vir opvoeders en leerders vanuit alle sektore en vlakke van leer blootgestel word. Die program sal ook ‘n strategiese platform voorsien vir netwerkvorming, vennootskappe en die heersende debat. |
| 6.3 |
Die GIS-bewustheidsweekprogram sal klem lê op die uitwys en ondersoek van Aardrykskundeonderwys- en -opleidingsgeleenthede. Skole wat dit oorweeg om hulle verskeidenheid van vakaanbiedings te verander sal ook baat vind by ‘n besoek aan die Sentrum, omdat hulle aan ‘n volledige reeks leermoontlikhede blootgestel sal word.
|
| 6.4 |
Die LUK vir Onderwys, Cameron Dugmore, en mnr Ron Swartz, Superintendent-Generaal van Onderwys, sal tussen 18:00 en 20:00 op Dinsdag, 10 Mei 2005 by die Sentrum wees om opvoeders te ontmoet en informeel met hulle te gesels. |
| 6.5 |
Die Woensdag- en Donderdagprogram is spesifiek ontwerp om onderwysers, graad 10-, 11- en 12-leerders en ouers, insluitende die uit plattelandse gebiede, te akkommodeer. Vervoer is gereël ten einde leerders in die nodale sones in the Metropool in staat te stel om die geleentheid by te woon.
|
| 7. |
Alle WKOD-inrigtings word aangemoedig om die GIS-bewustheidsweekuitstalling te ondersteun. |
GETEKEN: J.P. RAULT-SMITH
HOOF: ONDERWYS
DATUM: 2005:04:19
|