1. |
INLEIDING
Hierdie omsendbrief volg op Omsendbrief 0071/2004 van November 2004. Die Hersiene Nasionale Kurrikulumverklaring (HNKV) sal in 2006 in graad 7 geïmplementeer word. Opleidingskursusse slegs vir graad 7-onderwysers verbonde aan openbare en onafhanklike skole wat nie die HNKV-kursusse in 2003 of 2004 bygewoon het nie, sal gedurende die Julie-vakansie 2005 by elke OBOS aangebied word. Skole is versoek om die name van die betrokke onderwysers teen 10 Desember 2004 in te dien.
|
2. |
OPLEIDINGSPROGRAM
Die provinsiale opleidingsprogram vir onderwysers en beamptes vir die implementering van die HNKV in die Senior Fase, wat 'n gesamentlike onderneming is van die nasionale Departement van Onderwys, die provinsiale departemente van onderwys, hoëronderwysinrigtings, onderwysersunies en diensverskaffers, behels die volgende:
Opleiding van die WKOD se Provinsiale Kernopleidingspan (PKOS) deur die Nasionale Kernopleidingspan (NKOS): April tot Junie 2005
Opleiding van graad 7-onderwysers deur die PKOS van 11 tot 15 Julie 2005
Opleiding van beamptes en diensverskaffers deur OBOS- en Hoofkantoorpersoneel gedurende 2005
|
3. |
OPLEIDING VIR GRAAD 7-ONDERWYSERS |
3.1 |
Alle graad 7-onderwysers verbonde aan openbare en onafhanklike skole moes reeds 'n onderwyseropleidingskursus bygewoon het voor implementering van die HNKV in Januarie 2006 begin. Een van die uitkomste van die kursus is die ontwikkeling van 'n werkskedule gebaseer op 'n model-leerprogram, d.w.s. die beplanning van 'n program vir die graad. |
3.2 |
Die kursus vir graad 7-onderwysers sal 'n 4½-dagkursus wees en sal die volgende insluit:
Leeruitkomste en assesseringstandaarde vir leerareas
Assesseringsvereistes: vordering- en ondersteuningskwessies
Die ontwikkeling van leerprogramme vir leerareas
Maniere om die situasie te hanteer dat alhoewel graad 7 deel van die Senior Fase is, dit dikwels nie in dieselfde skool as graad 8 en 9 is nie
Die ontwikkeling van 'n leerprogram (plan vir die fase), werkskedule (plan vir die graad vir die jaar) en lesplanne deur die onderwyser vir sy of haar eie gebruik
Klaskamerbestuur
Inklusiewe onderwys
Differensiasie, insluitende multigraad- en veeltalige klasse
Opvolgreëlings vir kommunikasie en ondersteuning na die werkwinkel
Reaksie op vrae en kommerwekkende kwessies |
3.3 |
Deelnemers word versoek om óf die skool se promosiestel óf hul eie werkstel van die Hersiene Nasionale Kurrikulumverklaring sowel as skryfbehoeftes saam te bring. Verdere ondersteuningsmateriaal in die vorm van 'n opsommende handleiding vir die ontwikkeling van leerprogramme sal by die kursus deur die Wes-Kaap Onderwysdepartement (WKOD) beskikbaar gestel word. |
3.4 |
Gedurende die tweede kwartaal sal model-leerprogramme vir elke leerarea aan skole gestuur word. Hierdie dokumente moet ook saamgebring word na die Julie-kursus. |
3.5 |
Namiddagwerkwinkels oor die agt leerareas word tans vir die tweede kwartaal van 2005 deur die OBOS'e gereël. Riglyne vir elk van die leerareas, wat insluit tabelle van die leeruitkomste en assesseringstandaarde in 'n formaat wat progressie vir die fase aandui, sal by hierdie werkwinkels beskikbaar gestel word. |
4.1 |
Die onderwysersopleidingskursus sal by meer as een lokaal in elke OBOS aangebied word. LET DAAROP DAT DATUMS EN TYE VIR ALLE LOKALE DIESELFDE IS.
DATUMS: 11 tot 15 Julie 2005
TYE: 08:00 tot 16:00, uitgesonderd die eerste dag, wanneer registrasievanaf 08:30 plaasvind en die aanvangstyd 09:00 is.
SENTRAAL | OOS | NOORD | SUID |
OBOS Hoofstraat 7 Mowbray | Hendrick Louw Laerskool | Bosmansdam Primêre Skool | Agape Spesiale Skool Mitchell's Plain |
Kaapstad- onderwysersentrum Claremont | Macassar Hoërskool | Kenridge Laerskool | Ottery Jeugsentrum |
Kaapse Skiereiland Universiteit van Tegnologie Mowbray Kampus | Simonsberg Laerskool | Excelsior Sekondêre Skool | Portlandbinnenshuise Sportsentrum |
| Encotsheni Primêre Skool | OBOS-saal Parow | Nompumelelo Opleiding- sentrum, Gugulethu |
| Masiphumelele Primêre Skool | | Zwaanswyk Hoërskool |
| OBOS Kuilsrivier | | |
BREEDE RIVIER/ OVERBERG | SUID-KAAP KAROO | WESKUS/ WYNLAND |
Swartberg Laerskool | Parkdene Primêre Skool | Rietenbosch Primêre Skool, C1 |
De Villiers Primêre Skool Robertson | St Mary's Primêre Skool George | Noor-Eind Primêre Skool C2,3 |
Ceres Sekondêre Skool Ceres | Oteniqua Primêre Skool George (Eng) | Steynville Hoërskool Piketberg C6 |
OBOS Worcester | Wesbank Primêre Skool Oudtshoorn | Weskus Spesiale Skool C7 |
OBOS Worcester | Brighton Junior Skool Oudtshoorn | Clanwilliam Hoërskool |
| Nico Brummer Laerskool Beaufort-wes (Eng/Afr) | Vredendal Sekondêre Skool C9 |
| Knysna Primêre Skool | |
| Sao Bras Sekondêre Skool Mosselbaai | |
|
5.1 |
Die WKOD sal vervoerkoste na en van die naaste lokaal vir deelnemers in diens van die WKOD vergoed teen Departementele tariewe. Deelnemers word egter versoek om waar moontlik saam te reis. Vanweë beperkte fondse sal onderwysers verbonde aan onafhanklike skole en SBL-personeel van hulle skole moet eis. |
5.2 |
Ten einde in staat te wees om aan die einde van die kursus te eis, moet deelnemers hulle Persalnommers en die volgende inligting beskikbaar hê:
Vir privaatvoertuie: Besonderhede van die voertuig, d.w.s. fabrikaat, model en enjinkapasiteit (bv. 1300 kub. cm) en 'n rekord van kilometers afgelê (begin en einde elke dag)
Vir openbare vervoer: Kwitansies MOET ingedien word.
Vir taxi-pendelaars: Indien geen kwitansie uitgereik word nie, moet deelnemers 'n beëdigde verklaring saam met hulle eise indien wat die volgende inligting bevat:
Naam en Persalnommer
Naam van skool
Begin- en eindpunt van reis
Tarief per rit
Datums waarvoor geëis word
Bedrag geëis
Dat hierdie enigste beskikbare vervoeropsie was en/of dat dit die goedkoopste beskikbare opsie was GEEN EISE MAG NA DIE KURSUS INGEDIEN WORD NIE.
|
6. |
Skole word ten sterkste aangeraai om te verseker dat al hulle graad 7-onderwysers dieselfde werkswinkel bywoon sodat graadbeplanning vir 2006 op dieselfde tyd vir die personeelspan 'n aanvang kan neem. |
7. |
Tee en ligte versnaperinge sal bedien word. Deelnemers word aangeraai om hul eie kos saam te bring. |
8. |
Die suksesvolle implementering van die HNKV as 'n nasionale kurrikulum berus op gemeenskaplike begrip van die kurrikulum en voldoende voorbereiding deur skoolbestuurders, onderwysers en die betrokke Departementele beamptes. |
9. |
Die WKOD wil graag die belangrikheid van bywoning van hierdie opleidingskursusse beklemtoon sodat kurrikulumverandering en -implementering tot die voordeel van al ons leerders bestuur kan word. Ten slotte wil die Departement prinsipale en onderwysers bedank vir hulle ondersteuning in hierdie verband. |
10. |
Hoofde van onderwysinrigtings word versoek om te verseker dat die inhoud van hierdie omsendbrief onder die aandag van al die betrokke opvoeders gebring word. |
GETEKEN: J.P. RAULT-SMITH
HOOF: ONDERWYS
DATUM: 2005:03:18
|