1. Ter ondersteuning van die implementering van die Hersiene Nasionale Kurrikulumverklaring (HNKV) in graad 7 en die Nasionale Kurrikulumverklaring (NKV) in graad 10 in 2006, en veral ter ondersteuning van Tale, Wiskunde en Wetenskap, onderneem die Wes-Kaap Onderwysdepartement 'n spesiale projek om 'n handboek per leerder vir elk van die volgende te voorsien: 
Graad 7:   Tale: Eerste Addisionele Taal - geïntegreerde taalhandboek
           Wiskunde
           Natuurwetenskap
Graad 10:  Tale: Huistaal - geïntegreerde taalhandboek
           Tale: Eerste Addisionele Taal - geïntegreerde taalhandboek
           Wiskunde of Wiskundige Geletterdheid
           Natuur- en Skeikunde (waar van toepassing)
2. Daar sal van skole verwag word om handboeke vir hierdie leerareas/vakke te kies van 'n lys wat vroeg volgende kwartaal voorsien sal word.
3. Skole word versoek om bogemelde inligting in aanmerking te neem wanneer hulle handboeke bestel.


GETEKEN: A.P. CLAUSEN
HOOF: ONDERWYS
DATUM: 2005:03:18